Haldið var áfram að smíða skálavarðarhús f. Laugafell í blíðskaparveðri laugardaginn 21. mars 2009. Smellið á MYNDIR til að sjá hvernig gekk.
Ekið að Klaustri á Mývatnsöræfum austan Námaskarðs. Þaðan gengið norður að Eilífsvötnum og gist í Hlíðarhaga. Gengið daginn eftir að Þeistareykjum og gist þar. Á sunnudag haldið áfram til Húsavíkur um Reykjaheiði. Þetta er stórkostleg gönguleið og frábært útivistarsvæði, sem engan svíkur.
Fararstjóri í ferðinni verður Frímann Guðmundsson.
Verð: kr. 10.200 (kr. 9.000,- fyrir félagsmenn FFA), innifalin er fararstjórn, gisting og akstur.
Brottför verður frá FFA kl. 13:00.
Uppbókað er í ferð sem að farin verður á Hvannadalshnjúk 29.-31. maí. Ennþá er þó í boði að skrá sig á biðlista, en þó hefur töluverður fjöldi safnast á hann.
Skíðaferðin sem átti að fara í dag, föstudaginn 13. mars, hefur verið frestað um óákveðinn tíma, líklega verður þó reynt að fara í hana í apríl.
Aðalfundur Ferðafélags Akureyrar verður haldinn fimmtudagskvöldið 12. mars kl. 20.00 að Strandgötu
23.
Dagskrá:
1. Venjulega aðalfundarstörf
2. Önnur mál.
Félagar eru hvattir til að mæta.
Stjórnin
Föstudaginn 13. mars verður gengið frá Hólsgerði upp Vatnahjalla og í Bergland við Urðarvötn og gist þar. Síðan verður haldið í Laugafell á laugardeginum. Á sunnudag verður gengið norður að Urðarvötnum, með viðkomu í Berglandi, og niður Vatnahjalla aftur að Hólsgerði.
Toppupplifun fyrir fjallaskíðafólk - laugin notalega bíður í Laugafelli.
Fararstjóri verður Rúnar Jónsson. Verð verður kr. 6.000,- en kr. 5.000,- fyrir félagsmenn FFA. Innifalið í verðinu er fararstjórn og gisting.
Farið verður frá FFA kl. 13:00 þann 13. mars.
Vegna slæmrar veðurspár hefur verið ákveðið að skíðaferðin frá Hlíðarfjalli að Þelamörk, sem fara átti á sunnudag 8. mars, verður farin á morgun, laugardag 7. mars, ef næg þátttaka verður.
Miðað er við að fara kl. 9:00 frá FFA og fararstjóri er Frímann Guðmundsson.
Tilvalið tækifæri í að skella sér í góða, ókeypis skíðaferð og síðan í heita pottinn á Þelamörk (ekki innifalið). Létt ferð við flestra hæfi. Vonandi sjá sem flestir sér fært að mæta.