Tökum skrefið

Tökum skrefið er gönguverkefni hjá Ferðafélagi Akureyrar sem hófst 5. maí 2019.
Allir eru velkomnir hvort sem þeir eru félagar í FFA eða ekki.
Engin skráning - ekkert þátttökugjald.

• Miðað er við að ganga frá byrjun febrúar og út nóvember ár hvert.
• Gengið er alla sunnudags­morgna í eina klukkustund innan Akureyrar eða í nágrenni bæjarins.
• Viðmið um hraða gönguna er að ganga 3 - 5 km á einni klukkustund.
• Gangan hefst við húsnæði FFA, Strandgötu 23. Þegar farið er lengra sameinast fólk í einkabíla.
• Eftir hverja göngu fær fólk sér kaffi og meðlæti í húsnæði FFA við Strandgötu. Þar myndast mjög skemmtileg stemmning og líflegar umræður.

2019 var fyrsta árið sem verkefni var.  Göngurnar urðu alls 30 og mættu að meðaltali 20 manns í hverja göngu eða alls 623.

Á Covid-árinu 2019 þurfti að taka nokkur hlé auk þess sem ekki var hægt að bjóða upp á kaffi í nokkuð mörg skipti þó það hafi verið gengið. En á því ári mættu að meðaltali 15 manns í göngurnar. Göngurnar lögðust alveg niður í lok október. Göngurnar urðu alls 32 og í þær mættu alls 442.

2021 var byrjað fyrr en venjulega eða 17. janúar. Þátttaka var góð það ár og urðu göngurnar alls 42 og mættu í þær alls 538.

2022 var haldið áfram með svipuðum hætti. Fyrsta ganga ársins var 6. febrúar og lauk sísðata sunnudag í nóvember.  Göngurnar urðu alls 39 það ár og mættu í þær alls 438.

2023 var fyrsta gangan 5. febrúar og sú síðasta var 26. nóvember. Göngurnar urðu alls 41 og þátttakndur voru alls 576. Óskir eru um að halda lengur áfram á næsta ári. 

2024 var fyrsta gangan 4. febrúar.