Ferðir 2016

Að þessu sinni var lagt upp í nýársgönguna kl. 13 frá Strandgötu 23 og var genginn "Drottningarstígurinn" nýi frá miðbænum inn með Drottningarbrautinni og síðan farinn gamli Leiruvegurinn að vestustu brúnni þar sem snúið var við. Vegalengd var tæpir 12 km sem er lengsta nýársgangan til þessa enda var veður mjög gott. Tók gangan tæpa 3 tíma og voru Þáttakendur alls 9. Fararstjóri var Grétar Grímsson, ljósmyndir: Ingvar Teitsson og Grétar Grímsson.

Það var ekki stór hópur sem fór eftir bökkum Eyafjarðarðar eða eftir ánni. Veður var hið besta logn og lítið frost. Farið var inn að heitavvatnslögn og drukkið kaffi. Síðan til baka um 8 km. Skíðafærið var harðfenni en hægt að fara út um allt. Fararstjóri og myndasmiður Frímann Guðmundsson.

Gengið var frá Sigurðargili yfir gassvæðið og upp á Súlumýrar. Þaðan á Stórhæð og drukkið kaffi. Áfram var haldið yfir á Steinmenn og þaðan haldið til baka. Myndir og fararsjórn Frímann Guðmundsson.

Eftir að ekið hafði verið að bílastæðinu á Víkurskarði var lagt upp í gögnuna á Fjall mánaðarins. Hiti var um 3°C og hægur vindur, göngufæri var oftast nokkuð gott en sumstaðar sökk nokkuð í snjó. Þegar komið var upp á fjallshrygginn var orðið all hvasst við brúnina en úrkomulaust. Nokkuð bjart var yfir til austurs og suðurs og mátti greina Hólafjall en dimmt var til vesturs. Þáttakendur í ferðinni voru 6, fararstjóri var Grétar Grímsson, myndir tóku Frímann Guðmundsson og Grétar Grímsson.

Á vegum Ferðanefndar FFA var farið á skíðum á þorrablót í skálann Lamba á Glerárdal helgina 13.-14. feb. 2016. Frábært veður var þ. 13. feb. og nægur snjór á Glerárdal. Vélsleðamenn úr Björgunarsveitinni Súlum gerðu okkur þann greiða að ferja töluvert af vistum fram í skálann. Við vorum 4,5 klst. á leiðinni fram eftir og áttum ágætt kvöld við mat, drykk, söng og upplestur. Við héldum svo heimleiðis sunnudagsmorguninn 14. feb. en þá var þoka við skálann og nokkuð blindað. Þátttakendur voru alls sjö, fararstjóri og myndasmiður: Ingvar Teitsson.

Ekið var að Freyjulundi í Arnarneshreppi og þaðan gengið á skíðum að Pálmholti og áfram að Bakkagerði og niður undir sjó. gengið var til norðurs til Hjalteyrar og að Arnarholti þaðan sem heita vatni kemur sem færir okku ylin í húsin. Eftir smákaffistopp var farið yfir ásinn og stefnan tekin á Bjarnarhólinn. Að síðustu var aftur að Freyjulundi. Snjórinn var fremur leiðinlegur þunn skel og laust undir sem brotnaði oftast og svo var laust undir. Myndasmiður og fararstjóri Frímann Guðmundsson. Veðrið sól og logn.

Laugardaginn 5. mars gengu sex manns frá golfskálanum í Lundsskógi að Þórðarstöðum í Fnjóskadal. Gengum gegnum Lundsskóg í Þórðarstaðaskóg fram og til baka. Það kom fólki dálítið á óvart hvað það er mikið af brekkum á leiðinni. Göngufæri og veður var frábært og gekk ferðin vel. Þessi leið er rétt rúmir 14. km og voru allir ánægðir með daginn. Fararstjóri Anke María Steinke. Myndir tók Kristín Björnsdóttir

Eftir akstur til Grenivíkur var gengið af stað í ágætis veðri en sólarlausu en á bakaleiðinni var sólskin. Göngufæri var ágætt og eftir að komið var upp á flatann ofan við 500 m hæðarlínuna var stefnan tekin á hæðarbungu með steindröngum Grenjárdalsmegin þar sem útsýni var til Þröskuldsins og Kaldbaks þar sem mátti sjá snjótroðara grenvíkinga með skíðafólk. Þáttakendur í ferðinni voru 7 og tók gangan um þrjá og hálfa klst. Fararstjóri var Grétar Grímsson sem einnig tók myndirnar

Ekið var að Hálsi í Köldukinn. Þaðan var gengið upp hálsinn og gegnum Gönguskörð. Þegar upp á hálsinn kom milli Hrafnstaðaaxlar og Staðarfjalls var skyggni ekkert, sást varla einn meter fram fyrir skíðin allt hvítt, þokan, slydduhríðin og snjórinn. Gengið var kílómetra eftir kílómetra út í óvissuna, aldrei að vita hvað var framundan bara treyst á GPS tækið að stefnan væri rétt. Eftir um tíu km. göngu í þessari hvítu veröld fór aðeins að rofa til. En þá fóru að koma gil með varasömun hengjum. Stoppað var á brún á einni hengjunni þar reyndust 20- 30 m. niður. Rétt þar fyrir neðan var gilið fyllt. Skömmu síðar renndi fararsjórinn sér niður saklausan halla en hvarf fram af einni hengjunni og lenti ekki fyrr en eftir flug í lausu lofti fimm metrum neðar í botninum á einni geilinni. Fremur var þetta harkaleg lending en hann er með þykkan haus og fékk bara smá blóðnasir. En allt fór þetta vel og allir ánægðir eftir eftirminnilega ferð. Fararstjóri Frímann Guðmundsson. Myndasmiðir Grétar Grímsson og Frímann.

Uppsalahnjúkur. Ferðin á Uppsalahnjúk gekk vel þótt hvasst væri. Fórum ekki alveg hefðbundna leið að fjallinu sökum vinds. Gengum upp austur hrygginn í fínu færi.Á toppnum var varla stætt, því ekki hægt að skrifa í gestabókina þar heldur austan við toppinn. Heimferðin þægileg með vindinn að mestu í bakið. Góð ferð með hörkuduglegu og hressu fólki. Myndasmiður og fararstjóri Konráð Gunnarsson.

Aldeilis frábær hjólaferðu um Mývatn í dag. 11 mættu til leiks og hjóluðu hringinn ásamt því að ganga á Vindbelg. Einn var þó í sérflokki gekk ekki á Vindbelg en hjólaði 2 hringi um mývatn ásamt því að ganga á Hverfell/fjall. Ferkar hvasst var eða 11 m/s fram yfir hádegið en farið að lægja lítllega ( 7 m/s ) þegar komið var í Sel en það var áð og nestispása. Endað svo á að ganga á Hverfjall og komin til Ak upp úr 17.00. Allt gekk að óskum ein púntering en henni var reddað snarlega.

Laugardaginn 4. júní 2016 fór sex mann hópur á vegum FFA í Þorvaldsdal. Ferðin hófst við Stærri-Ársskóg. Ekið var áleiðis að Hrafnagilsá. Vegurinn var frekar torfær og því var gengið nokkurn spöl að ánni. Ætlunin var að vaða yfir ána en hún var í foráttuvexti og óðu aðeins þrjú yfir og gengu að vatninu. Hin þrjú gengu upp með gilinu og skoðuðu fossana þar. Hópurinn sameinaðist svo á ný og gengið var í bílana. Steikjandi hiti og sól var inn í dalnum en þoka út við sjóinn. Fararstjóri var Helga Guðnadóttir

Laugardaginn 11. júní 2016 var ferð á Hálshnjúk við Ljósavatnsskarð. Fararstjóri var Karl Stefánsson og fóru 12 manns í gönguna.

Gangan hófst í hinu besta veðri við bæinn Kálfsá í Ólafsfirði og gengið upp lyngivaxnar brekkurnar sunnan árinnar. Þegar ofar dró var grýttara landslag og farið yfir fyrstu fannirnar og fljótlega komum við á samfelldan snjó og var göngufæri ágætt. Skarðið sem farið er yfir er aðeins lítilsháttar lægð í fjallshrygginn og þaðan var greiðfært niður samfelldar snjófannir í Grímubrekkum og í Grímudal. Er þá komið að Brimnesánni þar sem farið er yfir á trébrú við lítinn skála sem kallaður er Kofinn. Þaðan er greiðfærar götur niður Böggvisstaðadalinn. Þáttakendur í ferðinni voru 10, fararstjóri og ljósmyndari var Grétar Grímsson

Fyrsta gangan í gönguvikunni var á Haus í Staðarbyggðarfjalli. Halldór Ari Brynjólfsson var fararstjóri og fóru 7 með honum í ferðina.

16 manns auk fararstjóra gengu á Múlakollu þriðjudaginn 21 júni í afargóðu veðri og útsýni. Á toppnum var stoppað í drjúga stund til að njóta sólar og dásama útsýnið sem engann lét ósnortinn , sumir vildu helst vera uppi miklu lengur sem var mjög svo skiljanlegt enn niður urðum við að fara. Ákveðið var að stoppa við gangnamunann að austan og njóta sólarinar aðeins lengur sem var vel þess virði. Takk fyrir góða ferð með hörkugóðu fólki. Fararstjóri og myndasmiður Konráð Gunnarsson.

22. júní 2016 var gengið í Gamla, skálann við Kjarnaskóg. Fararstjóri var Halldór Brynjólfsson og fóru 3 með honum í ferðina.

Raðgangan frá Hlíð í Skíðadal að Árskógi gekk mjög vel enda veður eins og best getur orðið. Gengum við á snjó drjúgan hluta leiðarinnar sem var mjög þægilegt. Óðum tvær ár Þverá og Hrafnagilsá og gekk það vel. Þetta er skemmtileg leið enn ansi löng 24 kílómetrar með 1060m hækkun. Þakka hörkuduglegu fólki fyrir góðan göngudag. Fararstjóri og myndasmiður Konráð Gunnarsson.

Afmælisferð í Lamba 14 manns mættu þar af ein frá Kanda og einn 10 ára frá Danmörku. Allt gekk vel veðrið betra en spáð var. Fararstjórar: Stefán Sigurðsson og Ingimar Árnason

Ekið var inn í Svarfaðardal að vestan að Steindyrum. Gengið upp með Þverá og Steindyrafossinn skoðaður, þaðan upp hlíðina undir Bakkabjörgum og að Nykurtjörn. Síðan var farið niður með Grundargilinuog síðan til norðurs um hlíðin uns komið var að Bakkabræðralaug og farið í fótabað. Þá var stutt niður að Húsabakka. Myndasmiður og fararstjóri Frímann Guðmundsson.

Þann 19. júlí fór 6 manna hópur á Hólshyrnu í Siglufirði. Una Sigurðardóttir var fararstjóri í þessari ferð sem var hluti af gönguvikunni okkar.

20160720 Níphólstjörn

Sunnudaginn 24. júlí var genginn Þingmannavegurinn yfir Vaðlaheiðina. Þetta afmælisferð í tilfefni að 80 ára afmæli Ferðafélags Akureyrar. Ferðin tók 5 klukkustundir og voru þátttakendur 13 að meðtöldum fararstjóra sem var Helga Guðnadóttir. Í lok ferðar bauð FFA upp á grill fyrir hópinn í Lundskógi.

Gengið á Kerlingu í Eyjafirði, 1538 m, frá Finnastöðum og svo norður eftir tindunum Hverfanda, Þríklökkum, Bónda, Litla Krumma, Stóra Krumma, Syðrisúlu og Ytrisúlu. Endað í Glerárdal. 23 km. Fararstjórar: Sigurlína Jónsdóttir og Frímann Guðmundsson.

20160903 Kaldbakur Eyjafjörðurinn skartaði sínu fegursta í dag, logni og léttskýjuðu. Enda gekk ferðin á Kaldbak í alla staði vel. Útsýnið var gott til allra átta og fjörðurinn blasti við einkennilega grændílóttur. Einnig var hægt að fylgjast með hvalasskoðunarbátunum og hvölunum. Myndasmiður og fararstjóri Frímann Guðmundsson.

Frá Svartárkoti í Botna helgina 17. -18. september 2016. Sjö göngugarpar lögðu af stað rigningu og logni. Stoppað á Stóruflesju og haldið síðan eftir slóðum upp í Botna. Morgunin eftir var gengið í sunnan andvara og glampandi sól og haustlitanna notið á leiðinni. Fararstjóri Valur Magnússon. Myndir tók Kristín Björnsdóttir.

Laugardaginn 12. nóv. 2016 gekk sjö manna hópur frá FFA að Skólavörðu á Vaðlaheiði. Snjólaust var og ágætt færi upp heiðina en allhvasst af suðvestri efst uppi. Við fylgdum vel troðnum og stikuðum göngustíg upp frá Veigastöðum að vörðunni. Við vorum 90 mínútur frá bíl að vörðunni og gangan til baka tók 60 mínútur. Fararstjóri og myndasmiður: Ingvar Teitsson.

FFA efndi til gönguferðar á Draflastaðafjall laugardaginn 3. des. 2016. Veður var ágætt, hæg sunnan gola og hlýtt. Töluverður snjór var uppi á fjallinu en gott gangfæri. Við fundum 6 kindur sunnan í fjallinu og tókum þær með okkur í bakaleiðinni niður á Víkurskarð. Þátttakendur voru alls 4 að fararstjóra meðtöldum. Fararstjóri og myndasmiður: Ingvar Teitsson.

Fríður hópur á vegum Ferðafélags Akureyrar lagði á hnjúkinn í svarta þoku með von um sól þegar upp er komið, sem og rættist :-) Roar Kvam var fararstjóri og myndasmíður. Björn Ingólfsson var fróður leiðsögumaður