Fréttir

Ákveðið hefur verið að færa Blástakksferðina yfir til sunnudagsins 1. ágúst. Ástæðan er sú að skýjahuluspá fyrir sunnudaginn er of góð til að hafa enga ferð á þessum degi.

ATH. Þessa ferð er búið að flytja til sunnudagsins 1. ágúst, var á áætlun 31. júlí.
Næsta ferð félagsins er laugardaginn 31. júlí og er á Blástakk í inn af Féeggstaðadal í Hörgárdal. Ofan af Blástakki er geysifallegt útsýni yfir fjöllin á Tröllaskaga og víðar. En fjallið stendur í tæpri 1400 metra hæð yfir sjávarmáli.

Myndir eru komnar inn úr vel heppnaðri göngu þann 24. júlí á Torfufell í Eyjafirði.
- Sjá myndir úr ferðinni.

FFA efndi til ferðar á Öskjuveginn 16.-20. júlí 2010. Fullbókað var í ferðina sem gekk ágætlega.
- Sjáið myndir og fræðist nánar um ferðina.

Látrastrandartindarnir voru gengnir síðasta Laugardag 17. júlí. Þátttaka var góð og gekk ferðin afar vel þrátt fyrir þoku.
- Sjá myndir úr ferðinni

Næstu ferðir FFA eru í erfiðari kantinum, enda flestir búnir að koma sér í form á þessum tíma. En á n.k. laugardag verður gengið á hið skemmtilega fjall Torfufell í Eyjafirði, á sunnudeginum 25. júlí verður svo gengið á Kerlingu í Eyjafirði og fyrir þá sem láta ekki Kerlingu eina og sér duga þá er í boði að halda áfram í norður með súlufjallgarðinum með viðkomu á 6 öðrum tindum. Á mánudeginum verður svo lagt af stað upp á hálendi inn í Öskju og önnur Öskjuvegsferðin gengin, það er uppselt í hana. Síðasta ferð júlí mánaðar er ganga á Blástakk sem er fjall í tæpri 1400 m. hæð við botn Féggstaðadals inn úr mynni Barkárdals í Hörgárdal.

Um liðna helgi var nýja varðarhúsið flutt í Laugafell og sett á sinn stað.   

Smellið hér til að sjá myndirnar

Öskjuvegurinn hefst föstudaginn 16. júlí og stendur til 20. júlí, Látrastrandarfjöllin verða gengin laugardaginn 17. júlí og á sunnudag 18. júlí er gengið meðfram Glerá.

Nú er smíði Þórunnarbúðar, nýja skálavarðarhússins fyrir Laugafell, á lokastigi. Smellið á MYNDIR til að sjá framvindu verksins.