Hvannadalshnúkur á hvítasunnu

23.05.2009

29. – 31. maí. Hvannadalshnúkur á hvítasunnu, 2119 m.  

Vegna forfalla eru 3 laus pláss í þessa ferð og er hægt að skrá sig í ferðina á undirbúningsfundinum sem verður haldinn á skrifstofu FFA n.k. mánudag 25. maí kl. 20.00.
ATH! Skyldumæting er fyrir þátttakendur á undirbúningsfundinn!

Hvannadalshnúkur er hæsti tindur landsins og takmark flestra fjallgöngumanna. Þeir sem leggja á sig gönguna uppskera ríkulega fyrir erfiðið enda er umhverfið með því stórbrotnasta sem fyrirfinnst hér á landi.Ekið á einkabílum í Skaftafell föstudaginn 29. maí og gist í svefnpokagistingu í Svínafelli. Gengið á Hnúkinn í samvinnu við Ferðafélag Íslands laugardaginn 30. maí, en sunnudagurinn er til vara vegna veðurs. Hæðarhækkun er 2000 metrar og má gera ráð fyrir að gangan taki í heild um 10-15 kl.st. Ekið heim daginn eftir uppgöngu. Nauðsynlegur búnaður er: Skór með góðum sóla, mannbroddar, belti, ísöxi, sólgleraugu, sóláburður, skjólgóður fatnaður og nesti.

Fararstjóri frá FÍ er Haraldur Örn Ólafsson.

Verð: kr. 12.000 / kr. 15.000

Innifalið: Fararstjórn, grillveisla og svaladrykkir.


 
Til baka