Komdu út og á fjöll með FFA 2025

Komdu út og á fjöll - 2025

"Brot af því besta frá fyrri árum"

Skráning í verkefni

Upp til fjalla bíða okkar ævintýri og upplifun af ýmsum toga. Ef þú ert að leita að útivist þar sem gengið er á fjöll og farið á áhugaverða staði á Norðurlandi þá er þetta hópurinn fyrir þig. Vert er að benda á að áfangastaðirnir hafa allir verið gengnir áður í hreyfihópum undanfarinna ára og er verkefnið nú því kallað “Brot af því besta frá fyrri árum”.

Farið verður í átta ferðir á tímabilinu 20. maí - 14. eða 15. júní 2025. Fjórar ferðir eru dagsferðir um helgar og fjórar eru á virkum dögum (seinni part).

Hreyfiverkefnið „Komdu út og á fjöll“ hjá FFA er fyrir alla sem eru í þokkalegu gönguformi og miðast erfiðleikastig og gönguhraði ferða við tvo til þrjá skó. Haft verður að leiðarljósi að „njóta en ekki þjóta“. Byrjað verður á lægri fjöllum til að auka þol þátttakenda. Um er að ræða gönguhóp sem haldið verður vel utan um m.a. með öruggri fararstjórn reyndra fararstjóra, facebókarsíðu og góðri upplýsingagjöf.

Ferðirnar verða á þriðjudögum kl. 18:00 (einn fimmtudagur) og laugardögum kl. 09:00 (sunnudagur til vara ef veðurspá er betri þá).

Hér er hægt að sjá dagskrána

Gert er ráð fyrir að ferðir sem farnar verða um helgar verði 5 - 7 tímar með akstri, en á virkum dögum eru ferðirnar styttri, eða 3 - 4 tímar með akstri. Þátttakendur koma á eigin bílum og er upphafsstaður ferða við Ferðafélag Akureyrar, Strandgötu 23.

Umsjón með verkefninu hafa Anna Sigrún Rafnsdóttir og Kristján Hreinsson og eru þau jafnframt fararstjórar í ferðunum. 
Fyrirspurnum er hægt að beina til Önnu Sigrúnar á netfangið annasr45@gmail.com eða í síma 848 1090 og Kristjáns á netfangið kristjan@grofargil.is eða í sím 892 7720.

Fyrirspurnir má einnig senda á netfangið formadur@ffa.is.

Skráningu lýkur 11. maí og verkefnið hefst 20. maí. Skráningarhnappur er efst á síðunni.

Lágmarksfjöldi er 12 þátttakendur.

Verð: 29.000 kr. fyrir félaga í FFA eða FÍ, sama verð fyrir maka. Fyrir aðra kostar námskeiðið 34.000 kr. Greiða þarf þegar skráningu lýkur, krafa verður stofnuð í netbanka, einnig er hægt að koma á skrifstofu FFA til að greiða. Ekki er endurgreitt eftir að verkefnið er hafið.

Mikilvægt:

Ekki er endurgreitt eftir að verkefni er hafið.

Í verkefnum og ferðum FFA ferðast þátttakendur á eigin ábyrgð. FFA tryggir hvorki farþega sína né farangur þeirra og hvetur fólk til að kynna sér eigin heimilistryggingar eða kaupa ferða- og slysatryggingu.

Hagstætt er að gerast félagi í FFA. Með félagsskírteini FFA fæst afsláttur í mörgum sportvöruverslunum s.s. Skíðaþjónustunni og Útivist og sport auk afsláttar í ferðir, verkefni og gistingu í skálum, sjá nánar: Gerast félagi í FFA, þar getið þið skráð ykkur í félagið.