Gönguleiðir

Gönguleiðir sem Ferðafélag Akureyrar hefur stikað

Í gegnum tíðina hefur Ferðafélag Akureyrar staðið fyrir því að stika nokkrar gönguleiðir. Gönguleiðanefnd félagsins hefur séð um þessa vinnu auk þess að halda þessum leiðum við. Á þessari síðu er að finna gönguleiðir sem FFA hefur staðið fyrir að stika og eru aðgengilegar á ýmsum samfélagsmiðlum.

Stikun gönguleiða á vegum FFA:

Heimari-Hlífá - Ytri-Súla (Stikað í júlí 1991)

Heimari-Hlífá - skálinn Lambi (Stikað í ágúst 1992)

Þingmannavegur: Systragil - Eyrarland (Stikað 2004)

Veigastaðir - Skólavarða (Stikað í ágúst 2007)

Víkurskarð - Ystuvíkurfjall (Stikað í ágúst 2015)

Skálinn Gamli - Steinmenn við Súlumýrar (Stikað í júní 2018)

Nýja Glerárstíflan - Lambagatan (Stikað í maí 2019)

Kaldbakur við Eyjafjörð (Stikað í júlí 2019)

----------------

Ferðafélag Akureyrar sér um gestabækur á eftirtöldum stöðum:

  1. Ytri-Súla
  2. Kerling við Eyjafjörð
  3. Kaldbakur norðan Grenivíkur
  4. Skólavarða á Vaðlaheiði
  5. Herðubreið
  6. Knebelsvarða við Öskjuvatn
  7. Strýta á Vindheimajökli

Samstarfsverkefni:

Ferðamálastofa og Markaðsstofa Norðurlands eru með verkefni þar sem verið er að skrá gönguleiðir á Norðurlandi. Tilgangurinn með þessu verkefni er að til verði miðlægt skráningarkerfi um gönguleiðir um allt land. Búið er að skrá nokkrar leiðir á Norðurlandi og langar FFA að ganga til liðs við þessa aðila og taka þátt í að skrá fleiri leiðir. Þess vegna bjóðum við félagsmönnum og öðrum sem áhuga hafa upp á að taka þátt í þessu verkefni.

Ef þú vilt taka þátt í verkefninu er best að hafa samband við formann FFA, á netfanginu formadur@ffa.is til að fá upplýsingar um það hvernig standa skuli að skráningu, eins eru mjög góðar upplýsingar á þeim tenglum sem í þessari efnisgrein er að finna. Þegar ferill er tekinn af leið þá sé notuð mesta mögulega nákvæmni.

Helstu atriði sem skipta máli eru þessi:

Nauðsynlegt er að skráningaraðili hafi:

  • Góða þekkingu á gönguleiðinni, sumar og vetur
  • Kunnáttu í notkun GPS-tækja

Gagnlegt er að skráningaraðili hafi:

  • Reynslu eða viðeigandi menntun í leiðsögn
  • Reynslu í slysavörnum eða þjálfun í leit og björgun hjá slysavarnafélagi

Ferðamálastofa á nokkur tæki sem hægt er að tengja við leiðréttingakerfi Landmælinga Íslands og hægt að fá þannig tæki lánað áður en lagt er af stað, hægt verður að nálgast eitt þannig tæki á skrifstofu FFA. Hér er hægt að sjá leiðbeiningar um búnaðinn sem notaður er: https://www.ferdamalastofa.is/static/files/ferdamalastofa/gonguleidir/leidbeiningar-vid-skraningu-gonguleida.pdf