Aðrir viðburðir

Árleg Sviðamessa var haldin í Ljósvetningabúð 19. október. Um 90 manns mættu og áttu góða stund saman með spjalli, fróðleik, myndagátu og tónlist svo ekki sé minnst á matinn sem í boði var. Veislustjóri var Benedikt Sigurðarson, Einar Ingi stjórnaði fjöldasöng, Erla Dóra Vogler kom sem leynigestur og flutti nokkur fallega lög á sinn einstaka hátt. Invar Teitsson var með myndagátuna sína í 30. sinn og hún er alltaf jafn áhugaverð. Um tónlistina sá hljómsveitin Braz sem skipa þá Jóhann Möller, Gunnar Möller, Bjarmi Gunnarsson og Valdimar F. Jónsson ásamt Árna Ólafssyni.

Laugardaginn 27. júlí varð haldið upp á 50 ára afmæli friðlýsingar Herðubreiðarlinda sem nú er hluti Vatnajökulsþjóðgarðs. Af því tilefni sameinuðust Vatnajökulsþjóðgarður-Norðursvæði og Ferðafélag Akureyrar um að halda upp á þennan viðburð og tókst vel til með góðri aðsókn og fjölbreyttri dagskrá. Það var gaman að sjá hve margir lögðu leið sína í Lindirnar af því tilefni en nálægt hundrað manns voru á svæðinu. Við þetta tækifæri var Haukur Ívarsson heiðraður en hann var formaður Þorsteinsskálanefndar í 25 ár og sinnti starfi sínu af mikilli alúð. Ótrúlegur dagur í þessu fallega umhverfi með Drottninguna yfir okkur. Myndirnar tala sínu máli, þær tóku Þorgerður Sigurðardóttir og Árni Ólafsson.

Góð aðsókn var að ferðakynningu FFA sem haldin var í VMA 4. apríl sl. Þar kynnti formaður FFA ferðir ársins og hreyfiverkefni. Fjóla Kristín formaður barna- og fjölskyldunefndar kynnti barna- og fjölskylduferðir ársins og að lokum fór Ragnhildur Jónsdóttir á kostum með kynningu sína á ferð á hæsta tind Suður-Ameríku. Afskaplega lífleg og skemmtileg kynning hjá henni og þökkum við henni kærlega fyrir að leyfa okkur að fá innsýn í þennan heim fjallgöngufólks.

FFA hefur tekið þátt í Stóra plokkdeginum í samstarfi við Akureyrarbæ síðan 2019 að undanskildu covid-árinu 2020. Um 20 manns mættu hjá FFA 30. apríl kl. 10. Félaginu hafði verið úthlutað Krossanesborgum og umhverfi þeirra. Plokkun gekk vel og var árangurinn um 20 pokar. Um skipulag dagsins sá Ingvar Teitsson ásamt viðuburðanefnd FFA.

Aðalfundur FFA 2023 var haldinn 6. mars. hefðbundinna aðalfundarstarfa var farið yfir það sem er framundan hjá FFA á árinu. Myndirnar tók Árni Gíslason.

Góð mæting var á ferðakynningu FFA sem haldin var í VMA 30. mars. Þar voru ferðir ársins kynntar auk sérstakra barna- og fjölskylduferða, raðgöngu og fyrirhugaðra hreyfiverkefna. Konráð og Frímann sögðu frá ferð sem þeir fóru á Austurlandi í ágúst 2021, áhugaverð frásögn. Þeir sem ekki komust á kynninguna geta kynnt sér ferðirnar og hreyfiverkefnin á heimasíðu FFA.

FFA hefur staðið fyrir því að taka þátt í Stóra plokkdeginum í þrjú skipti, 2019, 2021 og núna 2022. Fyrirhugað er að gera þetta að árlegum viðburði hjá félaginu. Í ár tók um 30 manns þátt í deginum með okkur, þar af fimm börn. Viðburðanefnd undirbýr viðburðinn með aðstoð Ingvars Teitssonar og Akureyrarbær úthlutar svæði til að plokka. 2019 og 2021 var það við Leirunesti og brúna á Leiruveginum en 2022 var plokkað í Krossanesborgum og meðfram þjóðveginum og niður með Óðinsnesi.

Ferðakynningin var vel sótt. Farið var yfir ferðir ársins 2022 þó svo nokkrar væru búnar. Alls eru á ferðaáætlun 48 ferðir. Í fyrsta skipti voru sérstakar barna og fjölskylduferðir kynntar en þær verða sjö á árinu. Í lok kynningarinnar var sagt frá væntanlegum hreyfihópum á árinu. Eftir kaffi hélt gestur kvöldsins, nýr forseti FÍ Anna Dóra Sæþórsdóttir fróðlegt innlegg um ferðalög á hálendinu og var vel látið af erindi hennar. Einnig voru nokkur fyrirtæki með kynningu á útivistarvörum. Myndirnar tók Grétar Grímsson.

Aðalfundur FFA var haldinn 7. mars 2022. Auk venjulegra aðalfundarstarfa og lagabreytinga var farið yfir það sem er framundan hjá FFA á árinu. Myndir: Árni Gíslason.

Síðbúinn aðalfundur FFA var haldinn 3. júní 2020 en honum þurfti að fresta vegna COVID-19. Fundurinn var vel sóttur. Auk venjulegra aðalfundarstarfa var farið yfir það sem er framundan hjá FFA á árinu og Hilmar Antonsson heiðraður. Myndir Árni Gíslason.

Ferðakynning ferðafélagsins fyrir árið 2020 var haldin 30. janúar í húsnæði VMA. Örn Þór Emilsson kynnti ferðirnar í máli og myndum og að kynningu lokinni var boðið upp á kaffi og kleinur. Erindi kvöldsins flutti Tómas Guðbjartsson hjartaskurðlæknir og fjallagarpur. Myndir: Grétar Grímsson

Fyrsta í aðventu bauð FFA upp á upplestur á bók Gunnars Gunnarssonar, Aðventu. Lesarar voru Guðlaug Ringsted, Pétur Halldórsson, Herdís A. Jónsdóttir og Ingvar Teitsson. Húsfyllir var í húsnæði FFA við Strandgötu og var góður rómur gerður að viðburðinum og ekki síst afar góðum upplestri lesaranna. Í byrjun var Ingvar Teitsson með forvitnilegan inngang að sögunni og sögusviðinu auk þess sem hann hafði útbúið svolitla mynda- og kortasýningu sem sýnd var meðan á lestri stóð.

Þann 3. október var verðlaunaafhending í Þaulaverkefni sumarsins 2019 og voru afar vegleg verðlaun sem fyrirtæki og stofnanir í bænum gáfu. Talsverð fjölgun var í krakkaþaulanum frá því sem var í fyrra.

Árið 1991 stikaði Ferðafélag Akureyrar gönguleið upp á Ytri-Súlu og hefur haldið henni vel við. 2018 ákvað FFA að setja upp útsýnisskífu á Ytri Súlu til fróðleiks fyrir þá sem þangað ganga. Það var gert og var hún vígð 5. ágúst 2019. Ásthildur Sturludóttir bæjarstjóri Akureyrar gekk á fjallið ásamt hópi úr FFA og vígði hún skífuna. Að því loknu var dreypt á freyðivíni. Súlur er bæjarfjall Akureyrar og vinsælt að ganga á það bæði fyrir Íslendinga og erlenda ferðamenn. Á síðasta ári skrifuðu 1.446 manns í gestabók á toppnum og af því var tæplega helmingur útlendingar. Fulltrúar frá félaginu gengu á Ytri-Súlu og teiknuðu upp drög að skífu. Árni Ólafsson arkitekt setti drögin á stafrænt form sem síðan var greypt í messingskífu. Undirstaðan og skífan voru fluttar með vélsleða upp á tindinn í apríl. Hún var svo steypt niður í klöpp í lok júlí. Á henni eru 47 örnefni, hæð helstu fjalla í kring og fjarlægð þeirra. Myndasmiður Árni Ólafsson

Ferðakynning ferðafélagsins fyrir árið 2019 var haldin 31. janúar í húsnæði VMA. Örn Þór Emilsson kynnti ferðirnar í máli og myndum og að kynningu lokinni var boðið upp á kaffi og kleinur í hléinu. Erindi kvöldsins flutti Stefán Gíslason umhverfisstjórnunarfræðingur og fjallvegahlaupari og sagði frá áskorunum sínum í fjallvegahlaupum sem hann hefur stundað af kappi. Einnig fjallaði hann um gildi þess að fjallgöngumenn og fjallafarar valdi ekki tjóni á umhverfinu með umgengni sinni. Myndir: Grétar Grímsson

Þann 20. október fór 15 manna hópur með Stefáni Sigurðssyni í Mývatnssveitina. Gengin var stikuð leið um Dalfjall og komið niður við Kröflu. Eftir það var farið á Fosshótelið í Mývatnssveit þar sem fólk naut samveru og góðs matar. Gist var eina nótt. Myndir: Árni Ólafsson og Þorgerður Sigurðardóttir

Ferðafélagið bauð til árlegrar sviðamessu sem haldin var í Dreka laugardaginn 15. september, veislustjóri var Sigfús Karlsson. Myndir tók Árni Gíslason.

Ferðakynning ferðafélagsins fyrir árið 2018 var haldin 23. janúar í húsnæði VMA. Örn þór Emilsson kynnti ferðirnar í máli og myndum og að kynningu lokinni var boðið upp á kaffi og kleinur í hléinu. Erindi kvöldsins flutti Jón Snorri Sigurjónsson og sagði frá ævintýralegri ferð sinni á fjallið K2 sem er í Himalajafjöllunum. Lýsti hann þeim erfiðleikum sem þurfti að yfirstíga og sýndi áhrifaríkar myndir. Myndir: Grétar Grímsson

Ferðafélagið bauð til árlegrar sviðamessu sem haldin var með stæl í Ljósvetningabúð, messustjóri var Sr. Jón A Baldvinsson. Myndir tók Grétar Grímsson.

Ferðafélagið hélt sína árlegu ferðakynninguí Verkmenntaskólanum á Akureyri 26. janúar. Frímann Guðmundson formaður ferðanefndar kynnti ferðir ársins í máli og myndum og er þar m.a. boðið upp á raðgöngur auk hefðbundinna ferða félagsins. Fyrirlesari á ferðakynningunni var Hjalti Jóhannesson sem sagði frá "Bræðrafellsævintýrinu" sem fjallaði um byggingu á nýjum gistiskála í Bræðrafell og því flókna verkefni að finna færa leið og fá leyfi til að flytja nýja skálann á staðinn og þann gamla til baka. Sýndar voru myndir af hinum erfiða flutningi um úfin hraun sem þurfti að framkvæma án tjóns fyrir umhverfið. Mæting var ágæt og að vanda boðið upp á kaffi og kökur ásamt vörukynningu útivistarverslana. Myndir tók Grétar Grímsson

Einn af skálavörðunum okkar í Dreka og Þorsteinsskála, Margrét Helga Guðmundsdóttir, tók þessar myndir í miðnæturgöngu sinni.

Ferðakynningin var haldin í fjölnotasal VMA og kynnti Frímann Guðmundsson ferðir sem boðið er upp á í ferðaáætlun félagsins 2016. Að kynningu lokinni þáðu gestir kaffiveitingar og var skreytt afmælisterta á borðum í tilefni 80 ára afmælis ferðafélagsins. Eftir kaffihlé flutti Edvard H Huijbens fróðlegt erindi um ferðamál. Að venju kynntu útivistarverslanir vörur sínar við þetta tækifæri.

Ferðaélag Akureyrar bauð öllum þeim sem tekið hafa að sér fararstjórn í ferðum félagsins á árinu til kvöldverðar sem haldinn var á veitingahúsinu Bryggjunni og átti fólk góða stund yfir mat og drykk. Undir borðum flutti Ingvar Teitsson mergjaða frásögn af fyrritíma svaðilför hreystimennis suður yfir Sprengisand og ýmsar sögur sagðar. Myndir: Grétar Grímsson.

Afhending viðurkenninga og vinninga fór fram á - Opnu húsi FFA - í Strandgötu 23 fimmtudaginn 8 10.2015 og mættu rúmlega 30 manns. Ljósmyndir tók Grétar Grímsson.

Ferðir ársins 2015 kynntar í máli og myndum 15. Janúar í Verkmenntaskólanum, kl. 20.00 Frímann Guðmundsson kynnir Ómar Ragnarsson verður með erindi "Með heimadjásnin í höndunum" Kynning á útivistarvörum Hornið Sportver Skíðaþjónustan

Ferðafélagið hélt sína árlegu ferðakynningu 13. febrúar í Hofi. Frímann Guðmundson formaður ferðanefndar kynnti ferðir ársins í máli og myndum og er þar m.a. boðið upp á raðgöngur, næturgöngur og gönguverkefnið - Eitt fjall á mánuði - auk hefðbundinna ferða félagsins. Fyrirlesari á kynningunni var Jón Gauti Jónsson sem flutti afar fróðlegan fyrirlestur um fjallgöngur og fjallamennsku. Skíðaþjónustan og Sportver kynntu útivistarvörur sínar. Myndir tók Grétar Grímsson.

Fimmtudaginn 23. október voru afhentar Þaula- viðurkenningar og vinningar til þáttakenda og fór afhendingin fram í Amtskaffi á Amtsbókasafninu. Myndir: Frímann Guðmundsson

Afhending viðurkenninga og happdrættisvinninga fór fram í Amtskaffi fimmtudagskvöldið 3.10. 2013 og mættu um 50 manns

Fararstjórafagnaður FFA var haldinn á Vitanum 4. október og voru þar mættir 16 manns sem tekið höfðu að sér fararstjórn í ferðum félagsins á árinu. Samkoman var hin líflegasta, snæddur ljúffengur matur og skemmti fólk sér vel. Framreiðslustjóri var Konráð Gunnarsson, myndasmiður Grétar Grímsson

20101015 Ferðafélagið bauð fararstjórum upp á léttan kvöldverð í Laxdalshúsi svona smá viðurkenning fyrir þeirra mikilvæga starf. Ferðanefnd hefur unnið hörðum höndum undanfarnar vikur að setja saman ferðaáætlun fyrir næsta ár og er sú vinna langt kominn. Alltaf vantar okkur góða fararstjóra og ekki væri verra að fara að yngja upp í liðinu í bland, þess vegana er fyrirhugar að halda rötunarnámskeið og vonandi einhverja fleiri þætti í starfi fararstjórans, seinna í vetur bæði fyrir núverandi fararstjóra og nýja. Það verður auglýst síðar.

20110616 Vinnuferð í Dreka 16. til 19. júní Frekar kuldalegt á fjöllum en vatni komið á og hús þrifin. Skipt um glugga og hurð á gamla Dreka og smíðaður pallur við geymsluskúr ásamt ýmsu öðru smálegu.

Frímann Guðmundsson, formaður ferðanefndar kynnti fyrirhugaðar ferðir 2011. Páll Ásgeir Ásgeirsson sýndi okkur Fjallabak og hinn óeiginlega Laugaveg með frábærri sýningu.

20100915 Fleiri myndir frá vígslu og sviðamessu FFA.

20100911 Enn einu stórvirki FFA er lokið með smíði nýs varðarhúss auk gistiaðstöðu í Laugafelli. Hilmar Antonsson vígði nýtt og glæsilegt varðarhús og gaf því nafnið Þórunnarbúð. Laugardaginn 11. september var haldið af stað frá Ferðafélagi Akureyrar inn á öræfi. Tilefnið var tvíþætt: vígja átti nýtt varðarhús í Laugafelli og svo að halda Sviðamessu, sem er uppskeruhátíð velunnara FFA. Lagt var af stað frá Strandgötu 23, húsi Ferðafélagsins, kl. 11 með 40 manna rútu frá SBA og ekið inn Eyjafjörð og fararstjórinn var Ingvar Teitsson. Gott veður var og gekk ferðin upp eftir vel þótt vegurinn væri ekki góður á köflum. Kom hópurinn í Laugafell upp úr kl. 13. Síðan var hið glæsilega hús sem smíðað var á Akureyri af félögum í FFA undir öruggri stjórn formannsins og yfirsmiðs Hilmars Antonssonar vígt. Á eftir var boðið upp á léttar veitingar. Í tilefni dagsins kom Páll Guðmundsson framkvæmdastjóri Ferðafélags Íslands og færði okkur gjafir. Síðan hófst Sviðamessan með áti gríni og glensi sem stóð fram á nótt undir stjórn Helgu Guðna. En látum myndirnar tala sínu máli.

20100120 Laugardaginn 20. jan. 2010 var unnið við að klæða innveggi á neðri hæð með þilplötum. Einnig var súð á efri hæð klædd með panel. Myndasmiður: Ingvar Teitsson.

20090423 Á sumardaginn fyrsta, 23.04.09, var unnið við samsetningu á sperrum á húsið. Sperrur voru reistar með aðstoð Stjána Júl., kranabílstjóra. Einnig var gengið frá sperrufestingum í hliðarveggi hússins. Myndasmiður: Ingvar Teitsson.

20080910

20070708 Sunnudaginn 8. júlí 2007 var ný Fjólubúð vígð við Drekagil. Fjölmenni var og blíðskapar veður á fjöllum. Myndir tók Ingimar Árnason

20070525 Vinnuferð í Dreka um Hvítasunnuna 25.-28. maí 2007