Skráning í Ferðafélag Akureyrar

 Velkomin í Ferðafélag Akureyrar

GERAST FÉLAGI

Árgjald FFA fyrir 2025 er 9.800 kr. Rafræn félagsskírteini voru tekin upp 2021 í samstarfi við FÍ.

Félagar í FFA hafa öll sömu réttindi og í FÍ, sama félagsskírteini gildir. Um að gera að gerast félagi á sínum heimaslóðum.

Ferðafélag Akureyrar er áhugamannafélag sem vill stuðla að ferðalögum um Ísland, einkum Norðurland. Ekki þarf að hafa neina sérstaka reynslu af ferðalögum til að gerast félagi í FFA. Sömu skilmálar eru að félagsaðild og hjá FÍ, sjá hér. Hægt er að ganga úr félaginu hvenær sem er með því að senda tölvupóst á ffa@ffa.is. 

Fjölskyldufélagar (makar/sambýlisfólk félagsmanna) geta valið að greiða hálft árgjald (5000 kr. 2024) og fá félagsskírteini og njóta allra fríðinda sem það veitir auk tímaritsins Ferða. Þeir eru þá skráðir í félagið og hafa atkvæðisrétt á fundum félagsins. Árbók FÍ er ekki innifalin í því gjaldi. 

Félagar í FFA voru 677 þann 31. desember 2023 og hefur fjölgað talsvert síðustu fimm árin. Markmiðið er að fjölga félögum enn frekar og vekja athygli á frábæru starfi FFA.

Fríðindi og afsláttarkjör FFA félaga:

• Vegleg árbók Ferðafélags Íslands.
• Ferðir, ársrit FFA sem gefið hefur verið út síðan 1940.
• Afsláttur af ferðum og hreyfiverkefnum á vegum FFA, FÍ og deildum þess.
• Veglegur afsláttur af gistingu í skálum FFA og á tjaldstæðum við skála félagsins (sjá gjaldskrá).
• Félagsverð á gistingu í skálum FÍ og öðrum deildum þess en þeir eru 40 talsins víða um land.
• Félagsaðild gildir einnig fyrir maka og börn að 18 ára aldri.
• Skemmtilegur félagsskapur með fólki sem hefur gaman af ferðalögum.
• Félagsréttindi í norsku, sænsku og finnsku ferðafélögunum.

Jafnframt eru í boði afslættir í nokkrum fyrirtækjum á Akureyri og víðar. Munið að hafa félagsskírteinið með!

Gerast félagi