Ferðir 2024

Fyrsta skíðagönguferð ársins var farin 3. febrúar. Góð þátttaka var í feðrinni. Fararstjóri var Arnaldur Haraldsson.

Skíða í Skíðadal þann 10. febrúar með Kristjáni E. Hjartarsyni. Ferðin gekk vel, góð þátttaka, gortt veður og ágætis skíðafæri. Myndirnar tóku ýmsir þátttakendur og fararstjóri.

Arnaldur Haraldsson fór með dugnaðarforka í skíðagöngu á Vaðlaheiði. Ferðin var krefjandi en gekk vel og allir glaðir þegar þeir voru búnir með þetta erfiði. Myndirnar tók Halldóra B. Skúladóttir.

Til margra ára hefur Ingvar Teitsson verið fararstjóri í þessari ferð. Hún er alltaf vinsæl eins og sést á myndunum sem Ingvar tók.

Halldór Snæbjörnsson tók að sér að leiða skíðgöngufólk frá FFA um Kröflusvæðið. Ferðin tókst vel. Myndirnar tóku Rebekka og Vilborg sem voru þátttakendur í ferðinni.

Ingvar Teitsson leiddi hóp fólks frá FFA upp á Fljótsheiði. Þátttakendur voru afar ánægðir með ferðina og þann fróðleik sem það fékk í ferðinni. Ingvar tók myndirnar.

Þessi ferð hefur FFA farið nokkrum sinnum. Núna tók Þóroddur Þóroddsson að sér að vera fararstjóri. Ferðin gekk vel í alla staði og og voru þátttakendur komnir fyrr heim en áætlað var sem segir okkur að þarna hafi verið öflugur hópur á ferð. Myndirnar tóku Kristín Björnsdóttir, Vilborg Þórarinsdóttir og Þorbjörg Jónsdóttir.

Laugardaginn 6. apríl fór 25 manna hópur af stað í skíðagöngu upp á Heljardalsheiði. Ferðin gekk vel og var stoppað í skálanum Helju til að fá sér hressingu. Þá fór að hvessa og dreif hópurinn sig því af stað. Vel gekk til baka þó svo lítið skyggni væri. Allir voru alsælir eftir ferðina. Fararstjóri var Kristján E. Hjartarson. Myndirnar tóku nokkrir þátttakendur og fararstjóri.

Laugardaginn 13. apríl fór átta manns auk fararstjóra í skíðagöngu í skálann Mosa í Böggvisdal. Ferðin gekk vel, færið got og ágætis veður. Myndirnar tóku þær Þorbjörg Jónsdóttir og Rebekka Kühnis.

Ferð sem átti að vera laugardaginn 27. apríl vær færð til sumardagins fyrst 25. apríl. Það er skemmtileg nýbreytni að fagna sumri á þennan hátt. Að vísu voru aðeins fimm þátttakendur en engu að síður góð ferð í skemmtilegum hópi. Færðin var nokkuð góð til göngu og veðrið flokkaðist undir að vera gott gönguverður. Fararstjórar voru hjónin Bernard Garritsma og Bóthildur Sveinsdóttir og tók Bernard myndirnar.

Vel heppnuð skíðaferð í Laugafell var farin helgina 3. - 5. maí. Tæplega 80 km gengnir á einni helgi og umtalsverð hækkun og lækkun. Margir krókar vegna snjóleysis en allt gekk vel, enda hópurinn samstilltur. Hér koma nokkrar myndir frá þátttakendum og fararstjórum sem fanga veður og stemmningu. Myndirnar tóku Aðalsteinn, Halldór, Halldóra, Hafdís, Rebekka og Selma.

Þessi ferð er að verða að árlegum viðburði hjá FFA og verður alltaf vinsælli og vinsælli. Þeir félagar Jón Magg og Sverrir leiddu hópinn inn að Krsitnestjörn þar sem hægt er að skoða margar fuglategundir. Eins og sjá má skein áhuginn úr andliti bæði barna og fullorðinna. Myndirnar tók Fjóla K. Helgadóttir.

Góð þátttaka var í rútuferð um Melrakkasléttu og víðar til að skoða fugla. Komið var við hjá Mývatni-Brekku-Kópaskeri-Núpskötlu-Rauðanúpi-Harðbak-Ásmundarstöðum-Heimskautsgerðinu-Raufarhöfn. Stoppað var á hinum ýmsu stöðum og farið út til að skoða fugla í ,,teleskópum“ og kíkjum. Sumt var skoðað úr bílnum. Þetta var hin skemmtilegasta ferð þó löng væri og sáu þátttakendur 43 fuglategundir. Jón Magnússon og Sverrir Thorstensen voru fararstjórar. Myndirnar sem birtast tóku Sigurgeir Haraldsson, Brynjar Gylfason og Ásta Margrét.

Á kosningadaginn 1. júní, lagði 25 manna hópur af stað upp á Staðartunguháls og gekk alla leið að Hrauni í Öxnadal. Veðrið stríddi okkur aðeins, talsverður mótvindur var og rigning á köflum. En gleðin var við völd og hópurinn einstaklega hress og skemmtilegur. Útsýni var nokkurt og leiðin falleg. Það var ljúft að komast í heita sturtu og skunda svo á kjörstað eftir hressandi gönguferð. Fararstjóri var Brynhildur Bjarnadóttir sem sendi okkur myndirnar sem fylgja.

Þann 15. júní stóð til að fara Laufásstrandartindana fjóra. Þar sem hret hafði komið óvenju seint þetta vorið þá var talsverður snjór í giljum á þessum slóðum. Hulda Jónsdóttir fararstjóri hafði kannað aðstæður áður og eftir þá ferð var ákveðið að fara aðeins á tvo eða þrjá tinda og geyma fjórða tindinn þar til síðar. Vaskur sjö manna hópur lagði því af stað með Huldu um morguninn og gekk allt vel og urður þau ekki fyrir vonbrigðum með útsýnið og ferðina. Myndirnar tók Hulda.

Gönguvika FFA var fyrirhuguð dagana 18. - 22. júní. Veður var frekar risjótt og því þátttaka ekki mikil í nokkrum ferðum og tvær felldar niður. Hér koma nokkrar myndir úr þeim ferðum sem farnar voru. Flestar eru frá fararstjórum ferðanna. Fyrsta ferðin var Gásir-Skipalón. Önnur ferðin var, sólstöðuganga í Hrísey. Þriðja ferðin var, Upp með Hrappsstaðaá.

Vel heppnuð ferð á Elliða í Hjaltadal í Skagafirði. Góð þátttaka, gott veður og frábært útsýni inn í dali og til allra átta eins og sést á myndunum hennar Unu Þóreyjar Sigurðardóttur fararstjóra.

Farið var í Krepputungu og Sönghofsdal. Lagt var af stað frá FFA á laugardegi og gengið á sunnudegi í þriggja stiga hita en komið til baka í einum 15 gráðum. Fólk gisti í Möðrudal. Fararstjóri var Ingvar Teitsson. Myndirnar eru frá honum og Þorgerði Sigurðardóttur.

Langt var síðan skipulögð ferð á Torfufell hefur verið hjá FFA og því tími til kominn. Arnar Bragason fór með vaskan hóp þangað 13. júlí og tókst ferðin vel þó svo veðrið hefði mátt vera betra. Myndirnar sem fylgja tók Arnar fararstjóri.

Fjögurra daga ferð FFA þar sem gengið er frá Herðubreiðarlindum í Bræðrafell og dvalið þar í tvær nætur. Þaðan er svo gengið í Dreka og síðasta daginn er gengið að Öskju. Veðrið lék við þáttakendur sem nutu veðurblíðunnar, kyrrðarinnar og víðáttunnar á fjöllum í fjóra daga. Fararstjórar voru Fjóla K. Helgadóttir og Hjalti Jóhannesson og tóku þau jafnfram myndirnar.

Árleg fimm daga ferð FFA um Öskjuveginn. Þriðja árið í röð fór Guðlaug Ringsted (Systa) fararstjóri og Gísli Sigurgeirsson bílstjóri með hóp um þetta magnaða svæði. Enginn er samur eftir að hafa dvalið á hálendinu. Myndirnar tóku Systa og Ólafur Þór Ægisson.

Ferð í Seljahjallagil með Þóroddi Þóroddssyni jarðfræðingi verður enginn svikinn af enda var þátttaka góð í þessari ferð. Áhugavert svæði sem vert er að skoða með kunnugum. Myndirnar tók Þóroddur.

Góð þáttaka var í ferð á Laufáhnjúk. Fararstjóri var Arnar Bragason. Myndirnar tók hanna.

Góð skráning var í ferðina. Þegar nær dró leist fólki ekki á veðrið og hættu því margir við. Því var frekar fámennt en ferðin tókst afar vel og voru þátttakendur ánægðir. Fararstjóri var Selma S. Malmquist. Myndirnar tók Selma.

Sjálfsrækt og Náttúruskoðun á Glerárdal. Mikil skráning var í þessa ferð en þegar nær dró leist fólki ekki á veðurspána og hættu þá einhverjir við. Það var því frekar fámennur hópur sem fór og átti góða helgi í dalnum. Fararstjórar voru þær Ásdís Skúladóttir og Birna G. Baldursdóttir sem jafnfamt tóku myndirnar.

Gengið var upp gamlan árfarvegi í stórbrotnu umhverfi forssanna, sigkatlar og klettamyndanir og haldið áfram meðfram Skjálfandafljóti að Ingvararfossum og gengið meðfram fljótinu að Aldeyjarfossi. Fararstjórar voru Halldóra B. Skúladóttir og Hulda Jónsdóttir. Myndirnar tóku, Hulda og Þorgerður.

Gengið var eftir göngustíg sem liggur í fjallinu bláa, Húsavíkurfjalli. Gengið upp að Botnsvatni og hringinn í kringum vatnið. Þaðan lá leiðin niður með ánni og í gegnum Skrúðgarðinn og endað á veitingastað þar sem borðað var. Eftir það fjölmennti fól í Sjóböðin áður en ekið var heim. Fararstjóri var Jóhanna Ásmundsdóttir. Mydirnar tók Þorgerður Sigurðardóttir.

Gengið frá bílastæði við Glerárstíflu að vatninu Tröllaspegli og upp að Tröllunum sem eru 30 - 40 m háir bergstandar. Ferðin gekk vel þó þoka hafi verið að þvælast fyrir um stund. Fararstjóri var Einar Bjarki Sigurjónsson. Myndirnar tók Einar Bjarki ásamt Bryndísi Indu Stefánsdóttur.

Ólafur Kjartansson frá Brunná bauð fólki með sér í fjórar ferðir um svæðið þar sem hann ólst upp. Myndirnar tóku þátttakendur,

Vel sótt ferð af áhugasömu fólki um veru setuliðsins í Eyjafirði. Nýlegar uppgötvanir á Melgerðismelum hafa fangað athygli fjölskyldu í Arkansas í Bandaríkjunum. John Kassos, bandarískur flugmaður sem dvaldist á Melunum sumarið 1942, fórst þegar orrustuvél hans af gerðinni P-39 Airacobra hrapaði í Rauðhúsahólum. Sögumaður og fararstjóri var Brynjar Karl Ottarsson.

Gengið var upp með Krossastaðagili við Þelamörk í fallegu umhverfi gróðurs, flúða og fossa. Gengið að fjárréttinni sem þar er. Falleg leið í haustlitunum. Fararstjóri var Hulda Jónsdóttir sem jafnframt tók myndirnar.

Nýtt fyrirkomulag var prófað. Ákveðið með stuttum fyrirvara hvert væri gengið og aðeins ef veður er skaplegt. Þetta var fyrsta Góðviðrisgangan þetta haustið. Ekið var sem leið liggur að bílaplaninu sem er á Öxnadalsheiði og stoppað á planinu fyrir neðan veginn. Farið var niður í gilið og það kannað. Gengið var eins og hópurinn ákvað. Fararstjóri var Þuríður Helga Kristjándóttir. Myndasmiður var Hulda Jónsdóttir.

Önnur Góðviðrisgangan: Gimbrarklettur er lítið fjall skammt frá bænum Reykjarhóli á Bökkum í Fljótum. Haldið var inn aflíðandi Engjadalinn og upp bratta sem minnkar jafnt og þétt á leið upp á fjallið. Gimbrarklettur er ekki hátt fjall (390 m) en útsýni mikið vegna þess að hann er stakur. Komið var við í Haganesvík sem á sér sögu og gengið þar um en þarna var lítið þorp með þjónustu við sveitina og verbúðir í Hraunakrók. Fararstjóri var Una Þórey Sigurðardóttir.

Þriðja Góðviðrisgangan: Gengnar voru svokallaðar Messugötur um Skútustaðaengjar að Kráká og bænum Litluströnd. Síðan var gengið eftir gömlum götum og bílslóðum að Grænavatni þar sem var stoppað um stund og fræðst um sögu staðarins og gömlu húsanna þar. Fararstjóri var Þóoddur Þóroddsson.

Fjórða og síðasta Góðviðrisgangan þetta haustið: Gengið upp á Þingmannahnjúk og þaðan að gamalli steinbrú, grjóthleðslu frá 1871. Fararstjóri var Þuríður Helga Kristjánsdóttir. Myndirnar tók Hulda Jónsdóttir.