Fréttir

Árbækurnar eru komnar. Þeir sem hafa greitt árgjald geta komið og sótt á skrifstofuna. Opið alla virka daga frá 14 til 17.

Krepputunga. Gönguferð – tjaldferð 6.-7. júlí. Brottför kl. 16 á einkabílum (jeppum) frá FFA, Strandgötu 23. Fararstjórar: Ingvar Teitsson og Frímann Guðmundsson. Verð: 6.000/4.000 Innifalið: Fararstjórn. Fólk sameinist í bíla og deilir kostnaði. Ekið um Möðrudal og síðan Kverkfjallaslóð inn í Arnardal og tjaldað. Þaðan ekið að Kreppubrú og bílum lagt. Þaðan gengið á söndum út í tunguna í átt að ármótunum, um Sönghofsdal og ummerki um gamla árfarvegi skoðuð. Áætluð göngulengd 18 km, 6 -7 tímar

Fyrr í sumar auglýstum við lausa stöðu á skrifsofunni okkar frá og með 1. ágúst næstkomandi. Umsóknarfrestur rennur út á morgun, 30. júní og hvetjum við alla sem hafa áhuga á starfinu að senda inn umsókn.

Reykjaheiði. 850 m 30. júní. Brottför kl. 8 á einkabílum frá FFA, Strandgötu 23. Farastjóri: Una Sigurðardóttir. Verð: 3.000/2.000. Innifalið: Fararstjórn Ekið að Reykjum í Ólafsfirði. Gengið þaðan yfir Reykjaheiði niður í Böggvisstaðadal og til Dalvíkur. Þetta var hluti af leið landspóstsins milli Akureyrar og Siglufjarðar. Vegalengd 15-16 km. Gönguhækkun 710 m. Munið að skrá ykkur

23. júní. Brottför kl. 8 á einkabílum frá FFA, Strandgötu 23. Farastjóri: Jóhannes Kárason. Verð: 3.000/2.000. Innifalið: Fararstjórn

Ferðin í kvöld verður farin um Kjarnaskóg undir leiðsögn Hallgríms Indriðasonar, skógfræðings. Létt og þægileg ganga við allra hæfi í fólkvangi Akureyrar Kjarnaskógur 21. júní. Brottför kl. 19 á einkabílum frá FFA, Strandgötu 23. Verð: 1.000/500. Innifalið: Fararstjórn

Ferðin í kvöld verður farin um Gásir undir leiðsögn Björns Vigfússonar sagnfræðings. Létt og fróðleg ferð sem allir ættu að hafa gaman af. Brottför kl. 19 frá skrifstofu FFA, Strandgötu 23.

Fimmtudagsferð gönguvikunnar okkar verður farin um Kjarnaskóg. Fararstjóri verður Hallgrímur Indriðason sem gjörþekkir skóginn. Brottför er kl. 19 frá skrifstofu FFA, Strandgötu 23. Ekki láta ykkur vanta.

Nú er fyrri gönguvikan okkar hafin. Fyrsta ferðin verður í kvöld og farið verður um Krossanesborgir undir leiðsögn Helgu Guðnadóttur og Guðrúnar Eggertsdóttur. Mæting er kl. 19 við skrifstofu Ferðafélags Akureyrar, Strandgötu 23. Ekki láta ykkur vanta - skráning á www.ffa.is

Ferðafélag Akureyrar býður upp á ógleymanlega gönguferð um hálendi Íslands. Ferðin er 5 dagar og er gengið frá Dreka um Öskju og norður Dyngjufjalladal um Suðurárbotna og að Svartárkoti. Ekki missa af tækifærinu til að fara þessa ferð í góðum hóp með reyndum leiðsögumanni sem þekkir svæðið eins og lófann á sér.