Fréttir

Við fórum 45 saman í sól og blíðu í 45 mínútna göngu um innbæinn og miðbæinn á Akureyri. FFA bauð upp á kaffi og meðlæti á eftir í Strandgötu 23.

Sunndaginn 28. apríl tók FFA þátt í Stóra plokkdeginum og plokkuðu 26 manns á vegum félagsins nokkur svæði á Akureyri og lék veðrið við þátttakendur. Þátttakendum var úthlutað svæðum og fóru nokkrir saman á hvert svæði, Plokkað var í 2-3 klukkustundir. Vonandi tekst að gera þetta að árlegum viðburði hjá FFA. Fólk var sammála um að skemmtilegt er að vera nokkur saman við að Plokka rusl og ekki skemmir fyrir að setjast niður eftir á og fá sér hressingu í húsakynnum FFA við Strandgötu.