Hegranesviti í Skagafirði

10. maí kl. 09:00-15:00 Næstu ferðir

Hegranesviti í Skagafirði

Brottför kl. 9 á einkabílum frá FFA, Strandgötu 23.
Safnast saman í bíla ef vill.

Ekið sem leið liggur til Skagafjarðar og út Blönduhlíðina að ósi Héraðsvatna. Gangan hefst við minnismerkið um Jón Ósmann ferjumann og þar verður sagan um hann rifjuð upp. Gengið meðfram ströndinni, flatt og þægilegt gönguland. Úti við Hegranesvita er gott útsýni í björtu veðri. Vegalengd: 6 - 7 km. Gönguhækkun: Engin.
Þeir sem vilja geta farið í sund á Hofsósi eftir gönguna. Gaman að stoppa við Kotagil annað hvort á leiðinni vestur eða á heimleið.

Verð: 2.700 / 4.400 kr. Innifalið: Fararstjórn.
Greitt er fyrir þessa ferð við brottför.

Ef einhverjir vilja mæta beint á upphafsstað. Þá þarf bara að vera í sambandi við skrifstofu FFA um það.

Skráning í ferð

SKRÁNING Í FERÐ

Búnaður

Léttar og stuttar ferðir: Stuttar dagleiðir, 4 - 6 klst. Mest gengið á sléttlendi. Engar eða litlar ár. Léttur dagpoki. Flestum fært.

Nauðsynlegur búnaður er meðal annars:
Góðir skór sem ætlaðir eru til dagsferða og jafnvel göngustafir.
Bakpoki (dagpoki) gott að hann sé með bakpokahlíf
Sólgleraugu, sólarvörn og varasalvi
Sjúkragögn, hælsærisplástur, teygjubindi, verkjalyf og annað smálegt
Viðeigandi fatnaður, húfa, vettlingar, hlífðarföt og regnföt
Vatn/drykkir og nesti til dagsins (einnig göngunasl)
Alltaf gott að hafa í bakpokanum: Flugnanet, legghlífar, auka sokkar og buff