Gönguvika: Fjögurra tinda ferð í Eyjafirði. Laufásstrandarfjöllin

Gönguvika: Fjögurra tinda ferð í Eyjafirði. Laufásstrandarfjöllin   

Jónsmessuganga, kvöldferð

Brottför kl. 17 á einkabílum frá FFA, Strandgötu 23.
Fararstjórn: Hulda Jónsdóttir

Gangan hefst við malarnámuna við þjóðveginn milli Ystuvíkur og Fagrabæjar. Gengið upp á Ystuvíkurfjall og norður á Kræðufell, þaðan niður í Fagrabæjargil (bratt og skriður) og upp á Dýrðarnípu yfir á Dýrðarbungu og endað á Laufáshnjúk. Síðustu 300 metrarnir eru svolítið brölt. Að lokum er farið niður af Laufáshnjúk þar sem bílar munu bíða en byrja þarf á að ferja bíla þangað. Útsýnið af fjöllunum er mikið og geysifagurt bæði til suðurs og norðurs og að kvöldlagi á þessum árstíma er von á fallegu sólarlagi. Aðeins hluti leiðarinnar er stikaður.

Vegalengd: 11 - 12 km. Gönguhækkun: 1000 m.

Verð: 5.200 / 6.900 kr. Innifalið: Fararstjórn.
Greitt er fyrir þessa ferð við brottför.

Skráning í ferð

búnaðarlisti