Fararstjórar

Fjóla Kristín er fædd og uppalin á Akureyri. Hún hefur mikinn áhuga á ferðalögum og þá sérstaklega um óbyggðir og tók snemma landvarðanámskeið. Fjóla hefur um nokkurt skeið sett sér það markmið að koma á að minnsta kosti einn nýjan stað á ári en enn eru alltof margir staðir eftir. Hún starfaði um nokkurra ára skeið sem land- og skálavörður á vegum Ferðafélags Akureyrar og Náttúruverndarráðs í Drekagili við Öskju og í Herðubreiðarlindum. Skálavarðahúsið Fjólubúð í Drekagili er nefnt eftir henni. Fjóla hefur verið meira eða minna tengd Ferðafélagi Akureyrar frá unglingsaldri en foreldrar hennar ferðuðust mikið með félaginu. Hún hefur starfað lengi með FFA í nefndum og stjórn auk þess að taka að sér fararstjórn í ferðum félagsins af og til í gegnum árin. Í dag er Fjóla í stjórn FFA auk þess að vera formaður í nýrri nefnd, nefnd um barna- og fjölskyldustarf.

Fjóla er kennari og starfar sem deildarstjóri í Oddeyrarskóla. Hún er sannfærð um að eitt af því besta sem hægt er að gefa börnum sé tækifæri til að upplifa náttúruna á sem fjölbreyttastan hátt.