Forsíða / Myndir / Ferðir fyrri ára / Ferðir 2019 / 20190727 Hörgárdalsheiði

20190727 Hörgárdalsheiði

22 stk.
04.11.2019

Hörgárdalsheiði laugardaginn 27. júlí. Þátttakendur voru að meðtöldum fararstjórum 33. Veður var mjög gott, hægviðri og sólarlítið. Fararstjóri og myndasmiður var Una Þórey Sigurðardóttir og til aðstoðar, Örn Þór Emilsson. Gengnir voru um 26 km og tók gangan alls 10 tíma.

Göngulok við Staðarbakka. Rútan bíður göngumanna.

Farið að styttast til bæja. Grjótárhnjúkur fyrir miðri mynd.

Laugin á Laugareyri við Hörgá.

Drjúg ganga er niður að Staðarbakka eftir að komið er niður af Hörgárdalsheiði.

Háleitisfossar í Hörgá eru skoðunarverðir.

Flöguberg í árgilinu við Háleitisfossa.

Háleitisfossar í Hörgá. Yfir rís Sandárhnjúkur.

Horft út Hörgárdal. Þessi varða er ein af mörgum er varða leiðina upp á Hjaltadalsheiði.

Álftapar með þrjá unga. Yfir rís Grjótárhnjúkur.

Sérkennileg klöpp á háheiðinni. Svona flöguberg í ýmsum útgáfum er viða að sjá á heiðarbrúninni Hörgárdalsmegin.

Gengið með Heiðará sem hér er orðin að læk enda komið nálægt vatnaskilum. Í baksýn Víkingsfjall.

Vaðin Víkingsá sem rennur úr Víkingsdal.

Stiklað yfir Grjótlæk sem rennur úr Grjótlækjarskál.

Gengið yfir eitt af mörgum giljum og gilskorningum á heiðinni.

Horft fram Hörgárdalsheiði. Gil Heiðarár.

Hér skiptist Norðurárdalur eiginlega í þrjá dali, Seljárdal, Miðdal og Hörgárdalsheiði.Hnjúkurinn Horn er á milli Seljárdals og Miðdals.

Fremst í Norðurárdal þar sem Horná, Miðdalsá og Heiðará mætast eru afar falleg gil. Áin nefnist eftir það Norðurá.

Elsta brúin á Norðurá, við Prestsselshöfða, byggð 1921 . Stuttu neðar er brúin við Heiðarsporð sem byggð var 1947 og var notuð til ársins 2007, þegar brúin sem nú er ekið um var byggð.

Við upphaf göngu. Lagt var af stað við Heiðarsporð á mótum Norðurárdals og Öxnadalsheiðar.

Horft fram Norðurárdal. Þoka lá yfir fjallstoppum er lagt var af stað.