Velkomin að Drekagili

02.11.2005 Ferðafélag Akureyrar
Velkomin að Drekagili
Ferðafélag Akureyrar (FFA) hefur byggt upp fyrsta flokks aðstöðu fyrir ferðafólk við Drekagil hjá Öskju. Hér er skálinn Gamli-Dreki frá 1968 með 20 svefnplássum og snyrtihús frá 2001 með vatnssalernum og gaskyntum sturtum. Loks er nýr og glæsilegur skáli (Nýi-Dreki) frá 2005 með ágætri gistiaðstöðu fyrir 40 manns. Í Nýja-Dreka eru tvö 5-manna svefnherbergi á jarðhæð og tvískipt svefnloft með upphækkuðum bálkum fyrir 30 manns. Þá er mjög rúmgóð borstofa með eldhúsaðstöðu og rúmgóð forstofa. Einnig er vatnssalerni í Nýja-Dreka. Í Nýja-Dreka er raflýsing frá sólsellum. Á sumrin eru tvö tjaldstæði við Drekagil og þar er landvarsla í júlí og ágúst.

Frá Drekagili er stutt upp í Öskju sem er ein sérstæðasta náttúruperla landsins. Bílslóðir liggja frá Drekagili um Herðubreiðarlindir á hringveg nr. 1 á Mývatnsfjöllum og austur yfir Jökulsá í Kverkfjöll og Möðrudal. Einnig má aka suður fyrir Dyngjufjöll og á Sprengisandsleið eða norður um Dyngjufjalladal í Bárðardal og Mývatnssveit. Gönguleiðir liggja frá Drekagili vestur yfir Dyngjufjöll í Öskju og þaðan norðvestur yfir Jónsskarð að Dyngjufelli, skála FFA í Dyngjufjalladal. Einnig má ganga norður austan Dyngjufjalla í Bræðrafell þar sem FFA á samnefndan skála.

 Staðsetning Drekagils (GPS): 65°02,52´N – 16°35,72´V

Vegalengdir að Drekagili:
Frá Reykjahlíð við Mývatn:                   125 km
 Frá Nýjadal við Sprengisandsleið:         124 km 
 Frá Egilsstöðum:                                   199 km

 Að panta gistipláss í skálum FFA við Drekagil:
 a) Að sumri: Hringja í landverði í Herðubreiðarlindum (s. 854 9301) eða við Drekagil (s. 853 2541). Einnig má senda FFA tölvupóst á netfangið: ffa@ffa.is eða senda símbréf (fax): 462 7240, eða hringja á skrifstofu FFA: s. 462 2720.
 b) Að vetri má fá lykil að skálum FFA við Drekagil með því að senda FFA tölvupóst eða hringja í formann FFA í s. 462 7866, e. kl. 19 á daginn.

Gistigjöld:
 a) Veturinn 2005 – 2006:
 Nýi-Dreki: kr. 2.000,- (kr. 1.400,- f. félagsmenn).
 Gamli-Dreki: kr. 1.800,- (kr. 1.300,- f. félagsmenn) 
 b) Sumarið 2006:
 Nýi-Dreki: kr. 2.200,- (kr. 1.650,- f. félagsmenn)
 Gamli-Dreki: kr. 1.800,- (kr. 1.350,- f. félagsmenn)

Hægt er að sjá myndir af nýja skálanum á myndasíðu.  

 

 

 

 

 

 

Til baka