Opið hús 4. nóvember: Gönguferð að fjallabaki frá Holtavörðuheiði í Bakkasel

30.10.2010 Hjalti_Fjóla
Við Öxnadalsá í lok ferðarinnar
Við Öxnadalsá í lok ferðarinnar
Á opnu húsi næstkomandi fimmtudag 4. nóvember kl. 20 mun Ingvar Teitsson segja frá gönguferð sem leið liggur frá Holtavörðuheiði og austur á Öxnadalsheiði. Þjóðveginum var ekki fylgt í þetta skipti heldur var gengin nokkurn veginn bein lína milli þessara tveggja heiða. 

Það er örugglega afar sjaldgæft að þessi leið sé gengin - en það gerðu þrír Þjóðverjar á níu dögum í ágúst 2010. Þeir tóku mikið af myndum og fengu alls konar veður. Ingvar mun sýna nokkrar af myndum þeirra og segja frá ferðinni og hvað þeim fannst um svæðið.
Til baka