Fararstjórn: Ólafur Kjartansson
Í Kjarnaskógi (ef veður leyfir):
Mæting við sólúrið á gamla bæjarhólnum og síðan rölt upp í Kjarnakamb milli Langakletts og Arnarkletts með viðkomu á ýmsum stöðum, s.s. Karlakórslundinum, Álfasteini (nýnefndur Kirkjusteinn) o.fl. Spáð í sögu skógarins í Kjarna og jarðfræði klettanna, smávegis um örnefnin og útsýnið af Kjarnakambi.
Horfa og hlusta eftir fyrstu vormerkjunum á jörð og í skógi og vonandi verður ýmislegt á vegi okkar sem kveikir forvitni og vangaveltur.
Gangan tekur um það bil 2 klst.
Vegalengd 1.5-2 km. Gönguhækkun 100-130 m.