Ferðir 2015

Farið var í hina árlegu Nýársgöngu Ferðafélagsins og lagt af stað kl. 11:15 frá bílastæðinu við Skautahöllina. Genginn var gangstigurinn meðfram fjörunni inn fyrir flugvöllinn og síðan gamli Leiruvegurinn austur yfir brýrnar, alls rúmlega 10 km. Veður var stillt og hið ágætasta gönguveður, um tveggja stiga frost og snjómugga. Þáttakendur voru alls 5. Fararstjóri var Grétar Grímsson og ljósmyndari Ingvar Teitsson.

FFA efndi til gönguferðar á bakka Eyjafjarðarár laugardaginn 10. jan. 2015. Snjólítið var svo að þetta var gönguferð en við notuðum ísklær vegna svellalaga. Veðrið var frábært, hæg sunnan gola, bjartviðri og hitastig um -6°C. Við gengum frá brúnni við Hrafnagil norður austurbakka Eyjafjarðar ár að bílastæði neðan við Kaupang. Vegalengd um 10 km. Þátttakendur voru alls 5, fararstjóri Anke-Maria Steinke, myndasmiður Ingvar Teitsson.

Skíðaferð sem fara átti upp á Súlumýrar var breytt í skíðaferð um Naustaborgir og Hvammsskóg. Ferðin hófst við Ljómatún og gengið eftir troðinni braut inn Naustaflóa meðfram Hundatjörn. Beygt út af troðinni brautinni við brún Syðridals, svo aftur beygt gegnum skóginn upp af Brunnárfossi upp svokallaðan Hamradal. Síðan áfram undir Hamrahömrum og komið við í Gamla þar sem var stoppað og fengið sér kaffi. Eftir kaffið var síðan brunað miður í lausasnjónum alla leið ínn í Hvammsland. Gengið svo til baka inn á hringbrautina í Kjarna og út í Naustaborgir aftur, farin svokölluð Samherjaleið til baka. Fararstjóri og myndasmiður Frímann Guðmundsson.

20150124 Ystuvíkurfjall. Farið var frá FFA í Strandgötu á 5 bílum og ekið að bílastæðinu uppi á Víkurskarði þar sem gangan á "fjall mánararins" hóst. Gengið var af stað kl. 11:28 og stefnt norðaustur upp hlíðina nokkuð neðan við sendistöðina. Fljótlega komum við að gilskorningi þar sem snjóhengjur voru beggja megin og var gengið upp með gilinu þar til komist varð yfir. Göngufæri var ágætt og veður mjög gott, hægviðri og 4-5 stiga frost og bjart. Komið var að vörðunni kl. 13:20 og göngutími tæpir 2 tímarog vegalengd 3,7 km. Í bakaleiðinni var farin hentugri leið og farið neðar yfir gilskorninginn þar sem greiðfært var. Þáttakendur í ferðinni voru alls 23 og fararstjóri var Grétar Grímsson. Myndasmiður var Frímann Guðmundsson.

Fjall febrúarmánaðar Stakiklettur (Skussi) 13 manns mættu og gengu á fjall mánaðarins í stilltu og fallegu veðri en frekar napurt frost -10°C og meria þegar ofar kom. Leiðinlegt göngufæri í snjónum en annars allir glaðir á ánægðir með flottann dag. Fararstjóri Líney Elíasdóttir.

Farið var á tveimur bílum og ekið upp á bílastæðið á Víkurskarði. Þaðan var lagt af stað á skíðum og gengið inn í Hrossadalinn skammt ofan við brúna og síðan lá leiðin að mestu í dalbotninum og á einstaka stað var opið niður í lækinn. Færi var frekar hart til að byrja með en fór batnadi og var ágætis skiðafæri uppi á dalnum. Töluverðiur vindstrekkingur var af suðri á móti okkur en fór minnkandi og sólin fór að skína. Gengið var á móts við Þórisstaðaskarð og þá til austurs þar til komið var á móts við Hamragil. Ferðin til baka gekk greiðlega undan vindi. Heildarvegalengd var 16,4 km og uppgöngutími var 2:45 klst og niðurleiðin um 1:30 klst. Þáttakendur voru alls 7, fararstjóri var Grétar Grímsson og ljósmyndari Valur Magnússon

Olíuferð í Dreka. Lögreglumenn sem hafa nú vetursetu í Dreka þurfa að hafa yl í húsi og þar var að verða olíulaust. Farið var með 1000L í kálfi sem eiga að endast út maí og þar sem verkefnið var í stærri kantinum og vitað að færið var þungt á köflum var leitað til Súlna með það að leggja til bíla til ferðarinnar. Allt gekk að óskum og myndir tala sýnu máli.

Fjall marsmánaðar Blátindur gaf ekki færi á sér í gær snúið við vegna roks og fljúandi auglýsnigaskilta og ákveðið að reyna aftur í dag. Svipað rok var í Hlíðarfjallinu í morgun en sól og meðvindur upp að Skólavörðu svo stefnan var tekin þangað. 16 manns lögðu af stað í gær en 6 í dag.

Ekki vorum við heppinn með veðrið í hinni árlegu ferð FFA frá Skíðastöðum til Þelamerkur. Lagt var af stað frá Skíðaskálanum um hálfellefu, þá gekk á með rigningu og hvessingi. En þetta átti bara eftir að versna. Ekki var neitt stopp og þegar yfir hálsinn kom gekk á með slíku hrakviðri að varla var stætt. En haldið var áfram og reyndum við að hafa vindinn í fangið til að minnka ferðina niður en lentum við þá helst til innarlega og svo var snjórinn nánast búinn þegar neðar dró. Síðustu kílómetrana var því gengið. En allt lagaðist þetta að stórum mun þegar við vorum búinn að vera góða stund í heita pottinum. Ég þakka hraustu samferðafólki fyrir ferðina, sem voru Hermína Gunnþórsdóttir, Arnar Snorrason, Anke Maria Steinke og Hörður Björnsson.

Frábær ferð í skínandi vorveðri með fínum gönguhóp. Stefán Sigurðsson var fararstjóri og Björn Ingólfsson leiðsögumaður. Myndasmíður Roar Kvam.

20150425 Kaldbakur Lagt var af stað á tveim bílum frá Akureyri til Grenivíkur. Dökkur bakki var til norðurs en líkur voru á að birti. Gengið var upp með Grenjánni i erfiðu færi snjórinn djúpur allt upp í klof og jafnvel lengra. Ekki hafði birt til heldur bætti stöðugt í snjókomuna og vindinn þegar upp kom. Skygnið var ekkert allt hvítt og eftir um þriggja km. göngu var snúið við. Góð útivist en ekki náðum við toppnum í þetta skipti. Fararstjórar Frímann Guðmundsson og Stefán Sigurðsson.

Árleg ganga FFA á súlur 1. maí. 20 mættu í gönguna þarfa 3 á skíðum. Verðrið gerist ekki betra í fjallgöngum logn alla leið og sól á toppnum.

FFA efndi til göngu- og skíðaferðar upp í Reistarárskarð og á Flár laugardaginn 30. maí 2015. Gengið var frá réttinni við Freyjulund upp í Reistarárskarð og þaðan vestur yfir Flár að brún Þorvaldsdals. Þaðan var gengið á skíðunum suður Flár að brún Staðarskarðs. Loks var gengið norður í Sperðil og niður um Reistarárskarð til baka að bílunum. Gönguferðin tók 6 klst. og 30 mín.og alls voru gengnir um 19 km. Skíðafæri á fjallinu var gott og nægur snjór en þoka og éljagangur annað veifið. Þátttakendur voru alls 12, fararstjóri Frímann Guðmundsson, myndasmiður Ingvar Teitsson.

Hjóla og gönguferðin um Mývatn var farin í dag og mættu 8 manns. Ekið var í Reykjahlíð og hjólað norður fyrir vatn og gengið var á Vindbelg. Að loknu matarhléi var hjólað áfram og kaffistopp í Seli. Áfram haldið og hjólað að Hverfjalli og gengið þar upp. Endað svo aftur í Reykjahlíð og mældist hjóluð/gengin vegalengd 49,5 km og tók ferðin í allt 5 1/2 tíma.

Ferð sem farin var á Leirur - Kaupang sem hluti af gönguviku Ferðafélagsins

Miðvíkurfoss. Kvöldganga. Ekið var til Miðvíkur og gengið niður með ánni og síðan til suðurs niður í fjöru og að fossinum Miðvíkurfossi sem er tilkomumikill þegar komið er að honum. Sjá myndir. Smá auka túr var gerður niður að Knarrarnesi sem á sér dapra sögu. Árið 1935 bjuggu félagsbúi á Látrum feðgarnir Steingrímur Hallsson og sonur hans Hallur Steingrímsson Sækja átti kindind, ferðin á milli bæjanna Grímsnesi og Látra átti vart að taka nema 20–30 mínútur. Á tólfta tímanum sást til þeirra feðga frá Látrum og áttu þeir þá örskamman spöl eftir að lendingunni. Fóru heimamenn niður í fjöru til að aðstoða við landtökuna. Var þá skollinn á blindbylur af norðaustri með miklu brimi. Skyndilega varð hríðarmökkurinn svo dökkur að ekki sást meira til bátsins enda þótt hann hafi bara verið kippkorn frá landi Daginn eftir, sunnudaginn 15. desember, hafði veðrinu slotað og þá fann bóndinn í Miðvík sjórekinn bát með einu líki á Knarrarnesi. Þegar í ljós kom að tveir menn hefðu verið í bátnum hófst árangurslaus leit að Halli. Ærin sem þeir voru að sækja fannst nærri Miðvík, hornbrotin, og komst hún ein lífs af úr þessari ferð. Lík Halls fannst rétt fyrir páska á hjalla fyrir ofan Knarrarnes. Hafði hann því komist lífs af úr sjávarháskanum en króknað í leit að afdrepi. Mordýr af tegundinni M. arctica eru heiðgul og fögur á að líta og geta orðið 4 mm löng (5. mynd A). Sumarið 2006 fannst þetta mordýr í miklum fjölda milli hnullunga og steina á norðurströnd Knarrarness við Eyjafjörð og er þetta stærsta mordýrategund sem vitað er til að þrífist á Íslandi.

Þáttakendur í ferðinni voru 7 og var farið á tveimur jeppum. Ekið var innfyrir eyðibýlið Ásgerðarstaði og yfir Hörgána svo ekki þurfti að vaða. Ágætis veður var og frekar bjart í lofti og blasti Grjótárhjúkurinn við okkur, brattur og fannbarinn hið efra. Gengið var af stað kl. 9:10 og haldið upp Grjótárdalinn og upp á hnjúkinn nálægt norðaustur enda. Gangfæri var sumstaðar erfitt þar sem snjór hélt ekki. Þegar upp var komið var gott gangfæri á sléttri fannbreiðu og hvergi sást á dökkan díl. Miklar snjódyngjur og hengjur voru í efstu brúnum. Útsýni var all gott og sást út Hörgárdalinn og inn dalinn upp á Hjaltadalsheiði. Í norðvestri blasti við alhvítt Víkingsfjallið. Gangan upp tók 4:40 klst. Lagt var af stað niður kl. 13:55 og komið að bílunum kl. 17.03. Samtals vegalengd um 14,8 km. Fararstjóri var Grétar Grímsson, myndir tóku Frímann Guðmundson, Ingimar Árnason og fl.

Ferð á Múlakollu 20. Júní 2015. Lagt af stað upp með Brimnesánni austan megin kl. 20:00. Uppgangan tók 3 klst og var að mestu á snjó. Smá þoka í byrjun en gengum fljótt upp úr henni. Glampandi sól og blíða áleiðinni. Þegar upp var komið var gengið að gamla endurvarpanum og dáðst að útsýninu yfir glæsilegan fjallahringinn. Síðan var gengið fram á Kolluna og beðið eftir sólsetrinu og nesti borðað á meðan. Niðurgangan tók um 1 klst og var þokan orðin þéttari niðri en milt og kyrrt veður. Þátttakendur 8 að fararstjóra meðtöldum sem var Helga Guðnadóttir.

FFA efndi til gönguferðar niður með Skjálfandafljóti laugardaginn 27. júní 2015. Gengið var frá Fremstafelli í Köldukinn norður að Barnafossi. Þaðan var haldið niður með Fljótinu í Fellsskóg. Loks var gengið norðvestur yfir norðurenda Kinnarfells að Ljósvetningabúð. Veður var frábært, hæg suðaustan gola og þurrt, hiti um 15°C. Þátttakendur voru alls 27, fararstjóri og myndasmiður: Ingvar Teitsson.

Lagt var af stað við Heimari - Hlífá og gengið niður að Gleránni, Mikill gróður er í öllu Glerárgili og blómabreiður út um allt sem fönguðu augað. Veður var hið besta logn og sól og fuglarnir sungu fyrir okkur. Fararstjóri og myndasmiður Frímann Guðmundsson

Kvöldganga Auðbrekkufoss

FFA gönguvika 15.7.2015 - Kotárgil, Skagafirði. Við mættum félagarnir, Konni G., Sigurgeir Sig. og ég Gunnar H. skráður fararstjóri, á Strandgötuna kl. 18.45. Fólkið streymdi að, létt í spori. Ferðin var svolítið óviss vegna rigningar síðustu daga. Ég heilsaði fólkinu og sagði þeim frá óvissunni en það gerði ferðina bara meira spennandi. Það voru 23 sem röðuðu sér í bílana. Við héldum af stað stundvíslega kl. 19.00. Keyrt var yfir Öxnadalsheiðina og staðnæmst við gömlu brúna á Kotá. Áður enn haldið var inn í gilið sagði ég hópnum lítillega frá jarðsögunni sem er 10 -12 þúsund ára og bað menn að taka eftir götum í berginu sem eru steingerfingagöt eftir trjáboli. Gilið er frábært í alla staði með fossi innst. Ferðin var ótrúlega skemmtileg við þurftum að hjálpast að við að lyfta og toga hvort annað yfir klettasnasir og stikla á steinum fyrir nef. Gulrótin hjá mér, var að allir ættu að sjá „fossinn“ og það dugði vel þó sumir væru á strigaskóm. Ferðin var frábær og allir komust að fossinum og til bak aftur með góðri samvinnu og hjálpsemi. Allir voru hressir og kátir, þó margir væru svo lítið blautir. Takk fyrir góða ferð. Gunnar Halldórsson, fararstjóri.

Þverárgil. 10 manns auk fararstjóra gengu í Þverárgil. Eins og áður var farið með mannskapinn niður og upp úr gilinu nokkrum sinum.Allir eltu fararstjórann skilyrðislaust og nutu göngunar í ágætis veðri og góðum félagsskap. Hress og góður hópur sem gaman var að leiða þessa ferð. Myndir og fararstjórn Konráð Gunnarsson. p.s Hvet alla vel göngufæra að kíkja í Þverárgil.

Miðvikudagskvöldið 24. júní lagði 15 manna hópur í göngu á Laufáshnjúk. Veður var sérlega gott, eins og myndirnar bera með sér; sól, léttskýjað og logn. Gangan upp tók tæplega 2 1/2 klst. þannig að hópurinn náði toppnum rétt fyrir miðnætti. Fararstjóri og myndasmiður var Einar Brynjólfsson.

Ekki var nú fjölmennt í gönguna á Karlsárfjall en góðmennt. Farið var frá Karlsá og gengið upp með Brunná til að byrja með, þaðan upp Syðra-Set og eftir hryggnum alla leið á toppinn. Efst í fjallinu er mikill snjór sem gott var að ganga í. Dvöldum við dágóða stund á toppnum og átum nestið. Á niðurleiðinni fórum við Brunnárdal ýmist gangandi eða á rassinum. Vorum rúman 1 tíma niður að bíl. Veður og skyggni vonum framar og enginn úrkoma. Þakka ferðafélögum fyrir góðan dag á fjöllum. Myndir og fararstjórn Konráð Gunnarsson.

Raðganga 1: Siglufjörður - Héðinsfjörður. Það var glaðlegur og fullur tilhlökkunar hópurinn sem lagði að stað í gönguna frá Siglufirði til Héðinsfjarðar í gegnum Hestskarð. Taldi hópurinn 15 manns auk fararstjóra enginn nema fararstjórinn hafði farið þessa leið. Gekk ferðinn vel í alla staði með góðri hjálp þar sem þurfti. Góður dagur með góðan hóp á einum besta degi sumarsins. Myndir og fararstjórn Konráð Gunnarsson.

Fríður hópur göngugarpa gengu í blíðskapar veðri 30 km leiðina frá Reykjum í Fnjóskadal um Gönguskarð að bænum Garðsá í Garðsárdal. Frábær ferð í alla staði. Roar Kvam var fararstjóri og myndasmiður.

Veður var nokkuð óvisst um morguninn, þokubakkar og skúraleiðingar. Lagt var af stað kl. 8 frá Strandgötu og ekið að Skarði í Dalsmynni. Ágætis veður var þegar gengið var af stað upp Skessuhrygginn og höfðum við ágætis útsýni yfir Skuggabjargaskóginn og Gæsadalinn. Þegar ofar var komið fóru þokuslæður að gera vart við sig og fljótlega komum við í þoku sem entist alla leiðina. Stoppað var við vörðuna og síðan haldið áfram á fannbreiðunni þar til komið var á hápunktinn, Grjótskálarhnjúkinn. Á niðurleiðinni fengum við vel útilátna rigningarskúr. Gengin vegalengd var um 14,5 km tók ferðin um 8 tíma. Þáttakendur í ferðinni voru alls 7, fararstjóri var Grétar Grímsson og ljósmyndir tóku Kristrún Linda Björnsdóttir og Grétar Grímsson.

Héðinsfjörður- Ólafsffjörður. Frekar var fáliðað í gönguna Héðinsfjörður Ólafsfjörður og grunar mig að veðrið um morguninn hafi ráðið miklu þar um.Spáin var að það myndi stytta upp um hádegi sem gekk algerlega eftir. Muna að horfa á veðurfréttir ekki verða eftir heima og missa af góðri ferð. Vorum fjögur sem lögðum í ferðinna og sáum ekki eftir því. Blaut var leiðinn út í Vík en enginn vandræði. Í slysavarnarskýlinu drukkum við og undum blauta sokka. Veðrið bara batnaði og batnaði þegar á daginn leið. Þegar við gengum upp Víkurdalinn var kominn blíða og helst hún allann daginn. Gangan upp í Rauðskörð gekk vel, vorum á snjó sem gott var að fóta sig í. Þegar upp í Rauðskörð var komið blasti Ytrárdalur baðaður sólskini við okkur og fjöllinn í kring. Gangan niður að Kleifum þótti okkur vera þægileg hvorki grýtt né blaut. Þakka samferðafólki fyrir góðan dag. Myndir og fararstjórn Konráð Gunnarsson.

Ferð á Kerahnjúk, 1100 m hátt, sem farin var þann 6. september. Gengið inn Sauðadal og upp skarðið á milli Bassa og Kerahnjúks. Fararstjóri og myndasmiður var Helga Guðnadóttir.

Leyningshólar haustlitaferð Fararstjóri Gunnar Jónsson

Með fámennari ferðum FFA aðeins 3 þáttakendur en samt flott ferð á Uppsalahnjúk. Fjörðurinn sýndi sig og allur fjallahringurinn einnig sást í topp Herðubreiðar en annars tala myndirnar sýnu máli. Fararstjóri Ingimar Árnason

Laugardaginn 10. október fór hópur á vegum FFA á Stórahnjúk, en hann er fjall októbermánaðar. Veður var sérlega gott, eins og myndirnar bera með sér. Sól skein í heiði, hár bærðist vart á höfði, auk þess sem boðið var upp á magnað sjónarspil skýja- og þokumynda. Fararstjóri og myndasmiður var Einar Brynjólfsson

Skólavarða á Vaðlaheiði. Fjall mánaðarins Ekið var að uppgöngunni í Veigastaðalandi og gengið eftir merktri leið upp á heiðina að vörðunni. Fararstjóri var Anke Maria Steinke.

Ansi kalt var þegar lagt var á stað í ferð upp á Draflastaðafjall 12 des 2015. Svarta þoka var á Eyrinni og 13 stiga frost. En þegar við lögðum af stað frá bílastæðinu í Víkurskarði var 11 stiga frost logn og heiðskírt. Snjór var yfir öllu og göngufærið ágætt upp fjallið. Útsýnið var till allra átta og sólin gyllti fjallatoppana. Fararstjóri var Gunnar Halldórsson og Myndasmiður Frímann Guðmundsson.