23. júní, 2010: Skálum FFA í Herðubreiðarlindum, Dreka er nú þegar búið að opna. Laugafell mun opna um mánaðarmótin eins, Bræðrafell, Dyngjufell og Botni. Landverðir í Dreka sjá um bókanir fyrir Dreka, Dyngjufell og Botna, síminn þar er: 822-5190. Bókanir fyrir Þorsteinsskála og bræðrafell þurfa að berast til Landvarða í Herðubreiðarlindum, þar er síminn: 822-5191. Sjá símanúmer í skálum FFA.Nánari upplýsingar er hægt að fá á skrifstofu FFA að Strandgötu 23, 600 Akureyri, Sími:462-2720 eða í tölvupósti:ffa@ffa.is
Botni GPS 65°16.180 - 17°04.100
Botni stendur um 650 m suð-suðaustan efstu upptaka Suðurár, byggður 1996. Gistirými fyrir 16 manns í kojum, svefnpokapláss á dýnum. Kynding
með steinolíueldavél og eldhúsáhöld. Vatn má fá úr vatnsaugum við tjarnir suðvestan skálans eða úr upptakalindum
Suðurár. Skálinn er öllum opinn en ætlast er til að göngufólk sitji fyrir um gistingu. Gönguleið frá Dyngjufelli að skálanum
(20-22 km) og þaðan um Suðurárbotna að Svartárkoti (15-16 km).
Bræðrafell GPS 65°11.310 - 16°32.290
Bræðrafell stendur suðaustur frá samnefndu felli, við suðurrætur Kollóttudyngju. Skálinn var byggður 1976-77. Frá uppgöngunni á
Herðubreið er stikuð leið, um 9-10 km, vestur að skálanum. Frá Bræðrafelli er stikuð leið suður í Dreka. Gistirými fyrir 12
manns, svefnpokapláss á dýnum. Í skálanum eru eldhúsáhöld, kolaofn og gashella. Ekkert vatnsból, en regnvatni er safnað
í brúsa.
Dreki GPS 65°02.520 - 16°35.720 gsm-sími: 8225190 nmt:8532541 Tetra: 6410040
Tveir skálar eru við Drekagil. Dreki er við Drekagil í Dyngjufjöllum. Eldra skáli er byggður 1968-69, nýji skálinn var byggður
frá árunum 2004-2005. Frá skálunum má aka til austurs að Herðubreiðarlindum og í Kverkfjöll eða til suðurs á
Gæsavatnaleið og Dyngjufjalladals. Gistirými fyrir 55 manns, svefnpokapláss á dýnum, 40 í Nýja Dreki og 15 í Gamla Dreka. Í
skálanum er olíuupphitun, gashellur og eldhúsáhöld. Gæsla yfir ferðamannatímann í samvinnu við
Vatnajökulsþjóðgarð. Við skálana er góð hreinlætisaðstæða og sturtur. Tjaldsvæði er hjá skálunum.
Gönguleiðir frá Dreka að Dyngjufelli og Bræðrafelli.
Dyngjufell GPS 65°07.480 - 16°55.280
Dyngjufell í Dyngjufjalladal, norðvestan undir Dyngjufjöllum, var byggt 1993. Skálinn er 3,7 km í suðvestur frá Lokatindi. Gisting fyrir 16 manns í
kojum, svefnpokapláss á dýnum. Í skálanum er kynding með steinolíueldavél og eldhúsáhöld. Vatn fæst oft
úr læk í grennd við skálann. Skálinn er öllum opinn en ætlast er til að göngufólk sitji fyrir um gistingu. Gönguleið
frá Dreka um Öskju og Jónsskarð að skálanum og þaðan í Suðurárbotna.
Lambi stendur í Glerárdal suðvestan Akureyrar, byggður 1975. Frá vegi að skálanum er stikuð gönguleið, 10-11 km. Gistirými fyrir 6 manns, svefnpokapláss á dýnum. Olíukabyssa og áhöld eru í skálanum. Lækur skammt sunnan skálans. Fjölbreyttar gönguleiðir frá skálanum um fjöll og dali á Glerárdalssvæðinu.
Laugafell GPS 65°01.630 - 18°19.950 gsm-sími: 8225192 mnt:8549302 tetra:6410042
Laugafell var byggt á árunum 1948-50. Skálinn stendur 20 km suður af botni Eyjafjarðardals og um 15 km norðaustur frá Hofsjökli. Upphitun með laugarvatni allt árið. Áhöld og eldunartæki. Gæsla frá FFA yfir sumarið. Gistirými: skáli FFA: 15 manns, svefnpokapláss á dýnum; svefnloft snyrtihúss: 20 manns. Tjaldsvæði hjá skálanum. Sundlaug og upphitað snyrtihús. Frá Laugafelli liggja slóðir til Eyjafjarðar, Skagafjarðar, Bárðardals og suður Sprengisand.
Þorsteinsskáli GPS 65°11.560 - 16°13.390 gsm-sími: 8225191 nmt:8424357 tetra:6410041
Þorsteinsskáli er í Herðubreiðarlindum, byggður 1958-60. Gistirými fyrir 30 manns, svefnpokapláss á dýnum. Í eldhúsi eru áhöld, gashella og olíuketill tengdur við miðstöð. Gæsla frá júní til ágústloka í samvinnu við Vatnajökulsþjóðgarð. Góð snyrtiaðstaða með sturtu. Gott tjaldsvæði hjá skálanum. Merktar hafa verið nokkrar léttar gönguleiðir um svæðið.
